கார்மேகராஜா

Corruption?

2010-11-01T01:42:00.002+05:30

இரண்டு நாட்களுக்கு முன் ஒரு நண்பனிடமிருந்து ஒரு மெயில் வந்திருந்தது, இந்த வாரம் ஊழலுக்கு எதிரான வாரம் எனவும் ஊழலை பற்றி தகவல் கொடுக்க அரசு வலியுறுத்தவதாகவும் சொல்லி இந்த வெப்சைட் முகவரியை அனுப்பியிருந்தான். கடந்த வாரம் லஞ்ச ஒழிப்புத்துறை அதிகாரி ஒருவர் லஞ்சம் வாங்கும்போது கையும் களவுமாக மாட்டியதை செய்தியாக படித்ததிலிருந்து எனக்கு லஞ்ச ஒழிப்புத்துறை என்ற ஒன்று நமது நாட்டில் இல்லை என்பது புரிந்தது. இருந்தாலும் உங்களுக்கு நம்பிக்கை இருந்தால் பயன்படட்டுமே என உங்களுக்கு சொல்கிறேன்.

http://cvc.nic.in/

மூன்று நிமிட படம் - Youtube

2010-05-13T00:06:00.002+05:30

இணையத்தில் உலவிக்கொண்டிருக்கும்போது இந்த வித்தியாசமான குறும்படம் சிக்கியது. நீங்களும் பாருங்கள்!

இளைய தளபதி - இணைய தலைவலி - இமெயில்

2009-04-03T12:12:00.002+05:30

கூகுள் கணினி என்னும் குழுமத்தில் இருந்து இமெயிலில் வந்தது! படித்து பத்து நிமிடம் சிரிப்பை அடக்க முடியவில்லை! நீங்களும் பாருங்கள்! ஆனால் சிரிக்க மட்டும்தான்! இந்த மெயில் அனுப்பிய ஆதிசிவத்திற்கு நன்றி! அவரது வலைபதிவு http://www.beyouths.blogspot.com/

தற்சமயம் துவண்டு கிடக்கும் விஜய்யின் மார்க்கெட்டை தூக்கி நிறுத்த சில யோசனைகள்.

யோசனை1: திருச்சி பிரஸ்மீட்டிங்கில் நான் கலந்துகொள்ளவே இல்லை. என்னைப் போலவே தோற்றம் கொண்ட ஒரு நபரை வைத்து குறிப்பிட்ட சிலர் செய்த சதி இது.அதேபோல் வில்லு என்ற திரைப்படத்தில் நான் நடிக்கவே இல்லை,அதுவும் போலிதான் என அறிக்கை ஒன்றைவிட்டால் ரசிகர்கள் உங்களை நம்பி விடுவார்கள்.

யோசனை2: இனிமேல் ரிலீஸாகும் உங்கள் படங்களுக்கு கதை என்று ஒன்று இருந்தால் அதை ஒரு பிட் நோட்டீஸில் பிரிண்டு செய்து தியேட்டர் வாசலில் படம் பார்க்க வருபவர்களுக்கு விநியோகிக்கலாம்.

யோசனை3: இனிமேல் ரீலீசாகும் உங்களின் படங்கள் ஓடும் திரையரங்களில் படம் முடிந்தவுடன், இந்த படத்தின் கதையைச் கண்டுபிடிப்பவருக்கு ஒரு “காண்டாசா கார்” பரிசு என போட்டி வைக்கலாம். கவலையே வேண்டாம் அதை மட்டும் யாராலும் கண்டுபிடிக்க இயலாது

யோசனை4: டிக்கெட் கவுண்டரில் டிக்கெட் கொடுக்கும் போது கூடவே ஒரு சாரிடான் மாத்திரை,ஒரு பிரஸர் மாத்திரை மற்றும் ஒரு வாட்டர் பாக்கெட் சேர்த்து ஒரு பையில் போட்டு, 3டி படங்களுக்கு டிக்கெட்டுடன் கண்ணாடி கொடுப்பது போல கொடுக்கலாம்.

யோசனை5: திரையரங்கில் ஒவ்வொரு வகுப்புகளுக்கும் தனித்தனியே கைடுகளை(Guide) நியமித்து ஒவ்வொரு சீன் முடிந்த பின்னும் அதில் என்ன வந்தது என்பதை படம் பார்ப்பவர்களுக்கு விளக்கிச் சொல்லலாம்.

யோசனை6: திரையரங்க வாயிலில் ஆம்புலன்சுடன் கூடிய மருத்துவக்குழுவை தயார் நிலையில் வைத்து படம் பார்த்துவிட்டு வெளியே வரும் முதியவர்கள்,இதயபலகீனமுள்ளவர்கள் ஆகியவர்களுக்கு உடனடியாக முதலுதவி சிகிச்சையளிக்கலாம். இப்படி செய்தால் அவ்ர்கள் இனி உங்கள் படத்திற்கு நம்பி வருவார்கள்.

யோசனை7: உங்கள் படங்களில் தற்போது காமெடி மிகக்குறைந்து, நீங்கள் சீரியஸாக பேசும் வசனங்கள் மற்றும் பஞ்ச் டைலாக்குகளுக்கு மக்கள் சிரிக்க ஆரம்பித்து விடுகின்றனர்.அதனால் நல்ல காமெடி சீன் வைப்பது சிறந்தது.

யோசனை8: குறிப்பாக‌ நீங்கள் டாக்டர் பட்டம் வாங்கியதை காமெடி சீனாக படத்திலே வைத்தால் அதைப் பார்ப்பவர்கள் விழுந்து,விழுந்து சிரிப்பார்கள். அதுமட்டுமின்றி சிறந்த காமெடிக்கான பிலிம்பேர் அவார்ட்டையும் அந்த சீனுக்கு வாங்கிவிடலாம்

யோசனை9: டைட்டில் போடும் போது அதில் வரும் இளைய தளபதியை சிலர் தவறாக "இளைய தலைவலி" என படித்துவிடுகிறார்கள்.எனவே வேறு பட்டத்திற்கு முயற்சி செய்யலாம்.மசாலா புயல் பேரரசுவிடம் கன்ச‌ல்ட் செய்தால் அவர் நிச்சயம் ஐடியா கொடுப்பார்.

யோசனை10: குருவி,வில்லு போன்ற பேரடிகளை மறக்க கொஞ்ச நாளைக்கு வடிவேலு குரூப்பில் சேர்ந்து சிங்கமுத்து,முத்துக்காளை ஆகியோரைப் போல காமெடி வேடங்களில் நடிக்கலாம்.காமெடிக்காக நீங்கள் முயற்சி பண்ண வேண்டாம். நீங்கள் சாதாரணமாக நடித்தாலே மக்கள் சிரிப்பார்கள்.

யோசனை 11: உங்களைக் காமெடி செய்து வீடியோ வெளியிடும் அஜீத் ரசிகர்களுக்கு பதிலடியாக நீங்கள் உடனே ஒரு சாஃப்ட்வேர் குழுவை அமைத்து பதிலுக்கு பதில் வீடியோ விடலாம். கவனமாக இருக்கவும் அந்தக் குழுவில் அஜீத் ரசிகர்கள் இருந்தால் உங்களைத் தாளித்துவிடுவார்கள்

பின்குறிப்பு:

இனிமேல் எந்த மாதிரி படங்களை ரீமேக் செய்யலாம்:

மகேஷ்பாபு போன்றவர்களின் தெலுங்கு படங்களை ரீமேக் செய்தால் இனி போனியாகாது.

* மலையாளத்தில் வெற்றி கண்ட ஷகிலா படஙகளை ரீமேக் செய்து நடிக்கலாம்

* எம்ஜியார் நடித்த “ரிக் ஷாக்காரன்” படத்தை "திரிஷாக்காரன்" என்ற பெயரில் ரீமேக் செய்யலாம். மெரினா பீச்சில் திரிஷாவோடு "கடலோரம் வாங்குனேன் காப்பு, வில்லுக்கு வச்சிட்டாய்ங்கே ஆப்பு" என அருமையான டூயட் போட்டு அசத்திவிடலாம்

* பழைய ராமராஜன் படங்களை ரீமேக் செய்து "எங்க ஊரு எருமக்காரன்" என்ற பெயரில் நடிக்கலாம்.

அறிவிப்பு: அன்பு நெஞ்சங்களே! இது வெறும் காமெடிக்கான பதிவுதானன்றி யார் மீதும் காண்டு காட்டும் பதிவு அல்ல.தயவு செய்து இதை வெறும் காமெடியாக மட்டுமே எடுத்துக்கொண்டு சிரித்துவிட்டு விட்டுவிடவும்.

பழனி மலையாண்டி தரிசனம்.

2009-03-21T16:30:00.000+05:30

எனக்கு பதினாறு வயசிருக்கும். அப்ப நான் பனிரெண்டாவது படிச்சிட்டிருந்தேன். ( டேய், இப்ப வரைக்கும் அவ்ளோதான படிச்சிருக்கனு யாரும் விவேக் மாதிரி சொல்லக்கூடாது). எங்க அப்பா(ரு) வருசம் வருசம் பழனி முருகனுக்கு மாலைபோட்டு பாதயாத்திரையா போவது ஒரு வழக்கமா வச்சிருந்தாரு.

இந்த வருசம் நமக்கும் லைட்டா மீசையெல்லாம் அரும்பி பெரிய பையனா தெரியவும் நாம வயசுக்கு வந்துட்டோம்னு புரிஞ்சி எங்க நைனா என்னையும் மலைக்கு கூப்பிட்டாரு. எனக்கு மலைக்கு போக விருப்பம் இல்லைங்கறதனால எதுவும் பேசாம நின்னுட்டிருந்தேன். எதுத்து பேசுனா யாரு வாயிலயே மிதி வாங்கிறது?

மனசே இல்லாம பக்கத்துல இருந்த அம்மாவ பாத்தாக்க நீயாச்சு உங்க அப்பனாச்சுனு சொல்றமாதிரி ஒரு முழி முழிச்சிட்டு அங்கிருந்து போயிட்டாக. என்னத்த பன்றது? சரினு ஒரேஒரு விண்ணப்பம் மட்டும் எங்க அப்புகிட்ட வச்சேன். அது என்னான்னா, என்னால நடந்தெல்லாம் வரமுடியாது. வந்தா பஸ்ஸுலதான் வருவேன். மத்தபடி மாலையெல்லாம் போட்டுக்கிறேன்னு சொல்லிட்டேன்.

கொஞ்ச நேரம் தாடிய சொறிஞ்சு பாத்துட்டு, சரி என்ன பன்ன? இந்த வருசம் பஸ்ஸுலையே போவோம். எனக்கு வேற வயசாகிடிச்சுனு தோனுதுனு சொல்லிட்டாரு. அடுத்த நல்ல நாளா பாத்து மாலையும் போட்டாச்சு.

மாலைனா உங்கவீட்டு மாலையா? இல்ல எங்க வீட்டு மாலையா? காலைல 5 மணிக்கெல்லாம் எட்டி மிதிச்சு எழுப்பி பச்சத்தண்ணில குளிக்க வச்சிட்டாங்க! சரினு எல்லாம் பொறுத்திட்டு சாப்பிட வந்தாக்க ' கண்ணு இன்னிக்கு விரதம்பா! சாய்ந்தரம் வரைக்கும் சாப்பிடக்கூடாது' அப்படிங்கிறாங்க!

என்னாது சாமியாவது, மண்ணாவது. காலைல ஏழறைக்கு எந்திருச்சாலே எட்டுமணிக்கு மூக்கு பிடிக்கிற மாதிரி சாப்பிடற நம்மள விடியற்கால னா என்னான்னு தெரியாத நம்மள எழுப்பிவிட்டு சோறு இல்லைங்கிறாங்கனு கோபிச்சிக்கிட்டு ஒட்டல் கடைல தின்னுப்புட்டு ஸ்கூலுக்கு போனா,

அங்க அன்னிக்குனு பாத்து அந்த ஜூவாலஜி சொட்டத்தலைய இன்னிக்கு பிராக்டிகலுனு சொல்லிப்போட்டான். ( அவரு இத பாத்தாருன்னு ரொம்ப வருத்தப்படுவாரு) அது என்னாங்கறீங்க குளோராபார்ம் கொடுத்து அரை உசிருல இருக்கிற தவளைய அறுக்கனுமாம்.

என்ன கருமத்தில குரூப் லீடரா ஆனோமோ என்னத்தான் தவளை அறுக்க கூப்பிட்டாரு. அய்யா நான் மாலை போட்டிருக்கேன்னு கெஞ்சி கூத்தாடுன்னாகூட முழுப்பரிட்சையில பிராக்டிகல கை வச்சிருவேன்னு சொல்லி மிரட்டி தவளைய அறுக்க வச்சிட்டாரு. தவளைக்கு விதி அப்படி இருக்க நானென்ன செய்ய முடியும்? கத்தி எடுத்து முருகன் மேல பலிய போட்டு தவளைக்கு பாவ விமோசனம் கொடுக்க பாவம் அது செத்துடுச்சு.

இப்படி மாலை போட்டு செய்யாக்கூடாது எல்லாம் செஞ்சு எப்படியோ ஒரு மாசம் ஓடிப்போச்சு! பழனி மலைக்கு போகிற நாள் வந்திடிச்சு. மத்தியானம் நள்ளா வடை, பாயாசம்னு மூக்கு பிடிக்க தின்னுப்புட்டு கழுத்துல பூமாலை ஒன்ன போட்டுட்டு நடிகர் ராஜ்கிரண் மாதிரி கம்பீரமா சட்டை போடாம நின்னாச்சு!

ஒரு பையில பிஸ்கட் பாக்கெட், கூல் ட்ரிங்க்ஸெல்லாம் வச்சு அம்மா எங்கிட்ட கொடுத்தாங்க! எதுக்குமா இதெல்லாம்? அதான் நைட்ல வீட்டுக்கு வந்திடுவோம்ல சொல்லியும் கேட்காம போரப்ப சாப்டுக்கனு சொல்லி குடுத்துட்டாங்க! சரி என்ன பன்றது? அம்மாவுக்கு எம்மேல பாசம்னு வாங்கி வச்சிட்டேன்.

ஒரு வழியா கிளம்புற நேரம் வந்திடுச்சு. ரெண்டு டார்ச் லைட் வாங்கி பையில வச்சிக்கிட்டாரு அப்பா. ஒன்னுமே புரியாம எதுக்குப்பா இதுனு கேட்டாக்க, நைட்ல நடந்து போறப்ப வெளிச்சாம் வேனுமுல மவனே! அதுக்குத்தேன்! அப்படின்னாரு பாருங்க! முடிஞ்சது சோலின்னு ஒன்னுமே பேசாம அழுதிகிட்டே முன்னாடி நடக்க ஆரம்பிச்சுட்டேன்.

ஏதாவது பேசுனா குறுக்கிலயே மிதிப்பார்னு எனக்கு தெரியுமில! என்ன ஒன்னு இங்கிருந்து பழனிக்கு 85 கிலோமீட்டர். அத நினைச்சு தான் கொஞ்சம் பயம். நைட்டும் பகலும் நடந்தாக்கூட எப்படியும் இரண்டு நாள் ஆயிடும். இனி அத யோசிச்சு என்ன பன்ன? நடந்து பழனியும் போயாச்சு! வழில கிடைச்ச எழந்த பழமும், மக்காச்சோளமும் தான் மிச்சம்.

பழனி கோயில்ல போனா அவ்வளவு கூட்டம். பொதுவழில நின்னா எப்படியும் ஒரு மணி நேரம் ஆகிடும்னு கண்டிப்பா தெரிஞ்சதுனால சிறப்பு வழில காசு கொடுத்து போயாச்சு. சாமிக்கு ரொம்ப பக்கத்துல தரிசனம். போய் பாத்தாக்க முருகன் ஆண்டி கோலத்துல நிக்கறாரு.

வெளிய வந்த பின்னாடி ஏன்னு கேட்டா' நமக்கு நேரம் சரியில்லை, அதானால தான் நமக்கு ஆண்டி கோலத்துல அவதாரம் காட்டுறார்னு, சொன்னாரு எங்க அப்பாரு. எனக்கு மனசு கேட்காம சாமிய இன்னொரு தடவை பாக்கலாம்னு சொன்னேன்.

அப்பாவுக்கு ஒரே ஆச்சர்யம். என்னடா இது கோவிலுக்கே வரமாட்டேன்னு சொன்னவன் இன்னொருமுறை பாக்கனும்னு சொல்றதனால அப்பாவும் ஒத்துக்கிட்டாரு. ஆனா இந்த முறை பொது வழிதான். சுத்தி சுத்தி போறதுக்குள்ள முக்கால் மணி நேரம் ஆகிடுச்சு. அதுக்குள்ள முருகனுக்கு ஒரு மேக்கப் முடிஞ்சிருச்சு.

இப்ப பாத்தா முருகன் ராஜா வேசத்துல நிக்கறாரு. என்னடா இது? முருகன் கமல் ஹாசன் மாதிரி அடிக்கடி கெட்டப் மாத்துறாரே! இதுக்கு என்ன அர்த்தம்னு அப்புகிட்ட கேட்டாக்க, நமக்கு ரொம்ப நல்ல நேரம். நம்ம நினைச்சதெல்லாம் நடக்கும். அப்படின்னு சொன்னாரு.

ஒன்னுமே புரியல! அப்பா கடவுள் நல்லவரா? இல்ல கெட்டவரா?ன்னு கேட்டேன்.

அதுக்கு தெரியலையேப்பா னு மணிரத்னம் பட வசனத்த சொல்லி ஒத்த வரில என் வாய அடைச்சிட்டாரு. சரினு கீழ குனிஞ்சு பார்த்தா, என்னோட ரெண்டு காலும் ஒவ்வொரு கிலோ அளவுக்கு எடை கூடி வீங்கியிருக்கு.

எனக்கு அழுகையே வந்திடிச்சு தெரியும்ல!

ஏக்கா அங்கேயே நின்னுட்ட?

2009-03-12T17:36:00.002+05:30

மாயாண்டி எங்கள் ஊரின் பால்க்காரன். தினமும் காலையில் நான்கு மணிக்கு கதவை தட்டி எழுப்பிவிட்டு கொள்ளைக்கு சென்று பால் கறக்க ஆரம்பித்துவிடுவான். மாயாண்டி பதினாறு வருடங்களாக இதே தொழிலில் இருப்பதால் மாடுகளும் கண்டுகொள்வதில்லை, அதனால ஆடிப்பாடி கறக்க வேண்டியதில்லை. அவன் வந்தவுடன் கன்றுகளும் துள்ளிக்குதிக்கும்.

அன்று அதிகாலை நான்கு மணி இருக்கும் என நினைத்தேன். நன்றாக தூங்கிக்கொண்டிருந்தேன். அன்றும் அதேபோல்தான் மாயாண்டி வந்து கதவை தட்டியது. நானும் சாவகாசமாக முகத்தை கழுவிக்கொண்டு வெளியே சென்று பார்த்தேன், மாடுகள் மட்டுமே நின்று கொண்டிருந்தன. மாயாண்டி ஏன் இப்படி விளையாடுகிறது என தெரியவில்லை அல்லது மாயாண்டி கொஞ்சம் வேகம் என்பதால் அதற்குள் பால் கறந்துவிட்டு போயிருக்கலாம் என நினைத்து பக்கத்து வீட்டுக்கொள்ளைகளுக்கு சென்று பார்த்தேன். பால் சொம்பை எடுத்துக்கொண்டு தெருத்தெருவாக அழைந்துகொண்டிருந்தேன்.

ஆனால் தங்கமுணி வீதிக்குள் மட்டும் போகவில்லை. அந்த தெருவின் மூலையில் நின்று யோசனை, என்ன பெயரோ தங்கமுணி வைரமுணினு, யார் வச்சதோ! ஒருவேளை அந்த தெருவில் இருக்கும் கிணற்றில் முணி இருப்பதாக ஏற்பட்ட வதந்தியால் வந்த பெயராக இருக்கலாம். முணி இருந்தாலும் இருக்கும் யாருக்கு தெரியும், ஆறு மாசத்துக்கு முன்னாடிதான் குருநாதன் இந்த கிணத்தில் விழுந்து இறந்து கிடந்தான். இதை பார்த்த கண்ணம்மாள் சாமி வந்து அங்கேயே ஆடினாள், அதோட நிறுத்தாமல் அந்த கிணத்துல முணி இருப்பதாகவும் அமாவாசை இரவு அன்று யாரும் இந்த பக்கம் வர வேண்டாம் எனவும் சொல்லிவிட்டு போனாள்.

போன மாதம்கூட பேய்பிடித்து ஆடிய அடகு கடைக்காரர் பெண் குருவம்மாளும் இதையே முன்று நாட்களாக கத்திக்கொண்டிருந்தாள். அவளுக்கு பேய் பிடித்ததா இல்லை முணி பிடித்ததாவென தெரியவில்லை! முணியின் இலவச விளம்பர கம்பெனியாக இருப்பாளோ? இத்தனையும் நினைத்துக்கொண்டு அந்த தெருவை ஒருமுறை எட்டிப்பார்த்தேன். உள்ளேதான் மயாண்டி நின்று கொண்டிருந்தது, கிணத்தருகேதான்.

‘ஏக்கா அங்கேயே நின்னுட்ட, வந்து பால் வாங்கிட்டுப்போ’ னு மயாண்டி கத்துச்சு! எனக்கு ரொம்ப கிலியா இருந்துச்சு, பேய் பிடிச்ச குருவம்மா மனசுல வந்து வந்து போனா! மாயாண்டி பால் வாங்க கூப்பிடுதா இல்ல முணி காவு வாங்க கூப்புடுதா? இது மாயாண்டியா இல்ல முணியாண்டியா? பதட்டத்தோட கிழக்க வானத்தத பார்த்தா வெள்ளி இன்னும் முளைக்காம இருந்த்து! வானம் நிறைய நட்சத்திரமா இருந்தது! நிலா கூட இல்லையே, இன்னிக்கு அமாவாசையா இருக்குமோ?

இதை நினைத்துக்கொண்டிருக்கும்போதே மாயண்டி மீண்டும் கூப்பிட்டது, ஆனால் மாயாண்டி குரலா இல்லாம செத்துப்பான குருநாதன் குரல் கேட்டதா, நீ வரப்போறியா இல்லையா?

அங்க பிடிச்ச ஓட்டம்,ஒடுறனா இல்லை பறக்கிறனாவென தெரியாமல் வீட்டில் வந்து படுத்து கிடந்தேன், தூக்கம் வரவில்லை பயத்தில் குளிர் காய்ச்சல் வந்திருந்தது! மூன்று மணி நேரம் கழித்து மீண்டும் கதவு தட்டியது, ‘ஏக்கா மாயாண்டி வந்திருக்கேன், சொம்ப எடுத்திட்டு வா’. என் கணவர் சொம்பை தூக்கிக்கொண்டு போனார்.

ஒருவாரம் ஆகியும் காய்ச்சல் விடாமல் இருந்தாதால் கண்ணம்மாளிடம் தூக்கிக்கொண்டுபோனார்கள். அவள் என்னை பார்த்ததும் சிரித்தாள், ‘ பரவாயில்லையே, முணிய பார்த்தும் உயிரோட வந்துட்டியே’ னு சொல்லிக்கொண்டே என் உச்சி மண்டையில் ஒரு மயிரை பிடுங்கி கண்முன்னே அடுப்பில் போட்டு எரித்தால். மயிரை நெருப்பில் போட்டவுடன் காய்ச்சலும் பதட்டமும் விட்டது! வீட்டுக்கு நடந்தே வந்தேன், எல்லோரும் விசித்திரமாக பார்த்தார்கள்.

இருந்தா அனுப்பிவைங்க!

2009-03-08T16:37:00.002+05:30

நண்பர்களே!

புதிதாக windows 7 வெளிவந்ததாக அறிகிறேன்! ஆனால் நான் செல்வதற்குள் மைக்ரோசாப்ட் கடையை பூட்டிவிட்டார்கள்! சரக்கு தீர்ந்துவிட்டதா இல்லை எவனும் அவர்களுக்கு செய்வினை வைத்து விட்டானாவென தெரியவில்லை!

அதனால் யாரவது windows 7 முன்னரே நிறுவியிருந்தால் தயவுசெய்து அதன் புரொகிராம் பைலை தயவு செய்து எனக்கு அனுப்பி வைக்க வேண்டுகிறேன்!

என்னுடைய மெயில் stargroup29@gmail.com

ஹெல்ப் பண்ணுங்கப்பா! இருந்தா அனுப்பிவைங்க!

funny! funny! funny!

2009-02-04T20:40:00.002+05:30

வீர வணக்கம் முத்துக்குமரா!

2009-01-29T15:01:00.002+05:30

இடம் :- சாஸ்திரி பவன், சென்னை
நேரம் :- சில மணித்தியாலங்கள் முன்பு

இலங்கை அரசே பேரினவாதத்தை கைவிடு,
என் தமிழர்களை கொள்ளாதே,
என் மொழி பேசும் மக்களை வாழவிடு,
இந்திய அரசே போரை நிறுத்த வழியுறுத்து!
கபட நாடகம் ஆடாதே!
ஆயுத உதவி செய்யாதே!

ஒற்றை குரலாய் அந்த பகுதி முழுக்க எதிரொலிக்கும் அளவிற்கு முழக்கம் கேட்கிறது. சற்று நேரத்தில் அந்த பகுதி முழுக்க கூட்டம் கூடுகிறது!

இலங்கை அரசே! என் மக்களை வாழ விடு
வேண்டுமானால் எனது உயிரை எடுத்துக்கொள்!

உச்ச சத்தத்தில் கத்திய அந்த வாலிபன் தனது உடலில் மண்ணெண்ணையை ஊற்றிக்கொண்டு தீவைத்துக்கொண்டு மீண்டும் முழக்கம்,

இலங்கை அரசே! என் மக்களை வாழ விடு!
இதோ என் உயிரை கொடுக்கிறேன்!

அங்கே சுற்றியிருந்த அத்தனை மக்களின் கண் முன்னால் சில நிமிடங்களில் உடல் முழுவதும் கருகி தனது மரணத்தை தமிழ் மக்களுக்காக தழுவிக்கொண்டான் இளைஞன்! அவன் பெயர் திருக்குமரன்! சேன்னையில் ஒரு சிற்றிதழில் ஆசிரியராக வேலை செய்பவன்! இவன் அல்லவா வீரன்! இவன் அல்லவா தமிழன்! இவன் அல்லவா கடவுள்! கடவுள் இல்லையென்று சொல்பவரே கேளுங்கள்! கடவுல் இப்படித்தான் இருப்பார்!

( இன்று காலை 11.30 மணியளவில் இலங்கை தமிழரை காப்பாற்றக்கோரி திருக்குமாரன் என்ற இளைஞர் சென்னை சாஸ்திரி பவன் முன்பு தீக்குளித்து தற்கொலை செய்துள்ளார். தூத்துக்குடியை சார்ந்த இவர் சென்னையில் பத்திரிக்கைத் துறையில் ஆசிரியராக வேலை செய்து கொண்டிருந்தவர்)

திருக்குமாரனுக்கு அனது அஞ்சலி!

ஜோக்ஸ்

2009-01-24T18:58:00.002+05:30

"மும்தாஜுக்காக ஷாஜகான் தாஜ்மஹால் கட்டின மாதிரி உனக்காக நான் ஒரு மாளிகை கட்டுறேன் டார்லிங்"
" இந்தக் கதையெல்லாம் வேணாம்.முதல என் கழுத்துல தாலிய கட்டுங்க"

---

ஒரு மருத்துவர் மனநோயாளியைப் பரிசோதிச்சிக்கிட்டு இருந்தாரு.ஒரு வட்டம் வரைஞ்சி "அது என்ன"ன்னாரு.அதுக்கு அவன் "ஒரு பொண்ணு துணியில்லாம இருக்கா"ன்னான்.அப்புறம் அவர் ஒரு சதுரம் வரைஞ்சி "அது என்ன"ன்னாரு.அதுக்கு அவன் "ஒரு பொண்ணு துணியில்லாம படுக்கையில படுத்திருக்கா"ன்னான்.அப்புறம் அவர் ஒரு முக்கோணம் வரைஞ்சி "அது என்ன"ன்னாருஅதுக்கு அவன் "ஒரு பொண்ணு துணியில்லாம படுக்கையில ஒரு ஆளோட படுத்திருக்கா"ன்னான்.அதிர்ந்து போன அவர் "ச்சே! என்ன ஆளுய்யா நீ... இவ்வளவு அசிங்கமா சிந்திக்கறே"ன்னாருஉடனே அவன் சொன்னான் "நீ மட்டும் என்ன.. நானும் அப்போலேர்ந்து பார்த்துக்கிட்டு இருக்க்கேன் அசிங்கம் அசிங்கமா வரைஞ்சிக்கிட்டு இருக்கே".

---

"நேரங்காலம் தெரியாம உன் புருஷன் நடுசாமத்துல கொழந்தைகிட்ட கொஞ்சிகிட்டிருக்கிறாரே ? "
"குழந்தைகிட்ட இல்ல…என்கிட்டதான் அப்படி நடந்துக்கிறாரு "
"அதுக்கு ஏண்டி சமையல் ரூம்தான் கிடச்சதா…பெட் ரூம் என்னாச்சு ?"
"என்னது ?சமையல் ரூமா ? - அங்கே வேலைக்காரில்ல தூங்கினா… "

---

நீங்க இரண்டு வார்த்தை சொல்லணும் ஆனாஅதுல minimum 200 letters இருக்கணும்.தெரியலியா?Post Box.

---

பெரிய விஷயங்களை விட சிறிய விஷயங்கள்நம்மை அதிகம் காயப்படுத்திவிடும்.உதாரணம்:மலைமேல் உட்கார முடியும்…குண்டூசி மேல் உட்கார முடியுமா?

---

.""ஆன்ட்டி ஹீரோயின் காரெக்டர்னு சொல்லி என்னை ஏமாத்திட்டாங்க.'' ""என்ன பண்ணிட்டாங்க..?''""ஹீரோயினுக்கு ஆன்ட்டியா என்னை நடிக்கச் சொல்லிட்டாங்க..!''

---

அய்யய்யோ.. வயித்துல ஆபரேஷன் பண்துக்கு பதிலா முதுகுல பண்ணீட்டீங்க டாக்டர்..! ஆபரேஷன் தியேட்டர்ல உங்களை யார் கவுந்து படுக்கச் சொன்னா?

---

டாக்டர்கிட்ட எதையுமே மûக்கக் கூடாது..! அதுக்கா நீங்க என்னோட பாங்க் பாலன்ஸ் எல்லாம் கேட்கக் கூடாது.

---

இதுல என்ன எழுதியிருக்குன்னு படிங்க முதல்ல...தமிழ்நாடு.. குழந்தை... வாழைப்பழம்.. அழகுதமிழ்.. தொழிலுக்குப் பொருந்தாம இப்படிப் பேசினா உங்களுக்கு எப்படி டிவி சேனலில் வேலை கொடுக்க முடியும்.

---

ஒரு பத்து நாளைக்கு உன்னோட ஏரியால மூணு தெருவுல நான் பிச்சையெடுக்க நீ ஒத்துக்கணும்.என்ன விசேஷம்?ஊர்லேர்ந்து விருந்தாளிங்க வரப்போாங்க.

---

அவசரமா கொஞ்சம் சர்க்கரை வேணும்...இப்பதான் எங்க வீட்டுக்காரரை ரேஷன் கடைக்கு அனுப்பியிருக்கேன்..!ஒன்னும் அவசரமில்ல. பொறுமையா வாங்கிட்டுப் போúன்.

---

அந்த படத்தோட முடிவு சோகம்னு சொன்னியே..! படத்தைப் பார்த்தாத் தெரியலியே..?பக்கத்து ஆஸ்பத்திரில படுத்திருக்கி படத்தோட தயாரிப்பாளரைப் பாரு. தெரியும்!

---

என்னது.. புடவை கட்ட லோன் வேணுமா?ஆமாம் சார்! என்னோட மனைவி பத்தாயிரம் ரூபாய்க்கு புடவை வாங்கி கட்டணும்னு ஆசைப்படா.

---

தினமும் எதுக்கு அஞ்சரை மணிக்கு அலாரம் வச்சிட்டு, அஞ்சு மணிக்கே எழுந்துடறீங்க?இல்லேன்னா, அலாரம் அடிக்கிது காதுல விழாம தூங்கிப் போயிடுவேனோன்னு பயம்.

---

நீங்கள் திருடியிருக்கிறீர்களா?

2008-12-26T19:49:00.000+05:30

நீங்கள் திருடியிருக்கிறீர்களா? ‘களவும் கற்று மற’ என சொல்வார்கள்! யார் சொன்னால் என்ன? கற்றுவிட்டால் எங்கே மறப்பது? திருட்டு என்று எங்காவது கேட்க நேர்ந்தால் உடனே என் பெயரை நினைத்து கொள்வேன். நானும் பல நாட்கள் திருடனாய் இருந்திருக்கிறேன்! நான் திருடினேன் என சொல்வதில் அப்படி ஒரு ஆனந்தம். ஆனாலும் சில இடங்களில் மாட்டியுள்ளேன். பெரியதாக அடி வாங்காமல் தப்பிக்க விலைமதிப்பான பொருளை திருடாதது காரணமாக இருக்கலாம். ஆனாலும் எனது பழக்கம் மாறாதது மற்றும் மறக்கவும் மறைக்கவும் முடியாதது!

சின்ன வயதில் இருந்தே அடுத்தவரின் கையில் இருக்கும் பொருளை பார்த்தவுடன் ஆசை வந்துவிடும். அதை வாங்கும் பணம் கையில் இருந்தாலும் திருடத்தான் வேண்டும். இது எனது மனம் மட்டுமே தீர்மானிக்கும் விசயம். மனசாட்சி வேண்டாம் என சொன்னாலும் மனம் கேட்பதில்லை. நம்ம ஊரில் திருட்டு பிள்ளையாருக்கு சக்தி அதிகம் என்று சொல்வது போலத்தான்.

பென்சில், பேனா, வீடியோ கேம், பணம், கேமரா, என தொடங்கி அனைத்தும் கையில் வரும். ஒரு முறை ஜாக்கெட் துணி ஒன்றை திருடிவிட்டேன். என்ன செய்ய, வெளியே வந்ததும் குப்பையில் போட்டுவிட்டேன். எனது திருட்டுக்கு பணம் அல்லது மதிப்பு ஒரு பொருட்டாக இருந்தது இல்லை! தேவையெல்லாம் திருப்தி மட்டும்தான். இதை நான் தாமதமாகத்தான் புரிந்து கொண்டேன்.

சிலமுறை மாட்டியதுண்டு, வெறும் அறிவுரைகள் மட்டும்தான் கிடைக்கும். இதுதான் நான் பல காலங்கள் இந்த பழக்கம் தொடர காரணம் என நினைக்கிறேன். ஒருமுறை கால்குலேட்டர் திருடும்பொழுது பார்த்து விட்டார்கள். அது கேமிரா கண்காணிக்கும் கடை என தெரியாது அல்லது அப்பொழுது அதனைப்பற்றிய அறிவில்லை (கடைகளில் தொலைக்காட்சி வைத்து இதைத்தான் பார்க்கிறார்கள் என பின்னர்தான் தெரிய வந்தது). கால்குலேட்டர் எப்படி உபயோகிக்க வேண்டுமென கூட அப்பொழுது தெரியாது. பனிரெண்டு வயதில் அவ்வளவுதான் தெரியும். அடியொன்றும் பலமாக இல்லை. வெளியில் அனுப்பும்போது என் கையில் திருடன் என பெரிதாக எழுதி அனுப்பினார்கள். அதனால்தான் திருடன் என்றால் என் பெயர் ஞாபகம் வரும்.

இவ்வளவு கொடுமையிலும் இன்னொரு கொடுமை, அதே வேளையில் என்னுடன் போட்டிக்கு வந்த என் நண்பன் ஒரு கையடக்க ரேடியோ ஒன்றை எடுத்து வந்ததாக காட்டி பொறாமையை கிளறி விட்டான்.

சில வருடங்கள் கழித்து எனது மாமாவின் மளிகை கடையில் இருக்கும் போது நான் அசந்த பொழுது ஒருவன் தனது கைவரிசையை காட்ட ஆரம்பித்தான். ஒக்க மக்கா எங்கிட்டேயேவா. ஆனாலும் எனக்கு கோபம் வரவில்லை.அவன் எடுக்க நினைத்த பொருளை அவன் கையில் இலவசமாக கொடுத்தேன். ஆனால் அவன் வாங்க மறுத்துவிட்டான். அவனுக்கும் தேவை அந்த திருப்திதான் போல!

திடீரென இவைகள் எல்லாம் தோன்ற காரணம், நேற்று எனது சக ஊழியர் ஒருவர் நான் பணி புரியும் எனது அலுவலகத்திலிருந்து ரூபாய் 4,50,000/- களவாடிக்கொண்டு ஓடிவிட்டார். சரியாக அலுவலகம் தொடங்கி (காலை) இரண்டு மணி நேரத்துக்குள் கண்டுபிடித்து எலும்பை எண்ணி விட்டார்கள். இங்கே திருப்தி மட்டும் காரணமா?

குறிப்பு:- எனக்கு பிச்சை எடுத்த அனுபவமும் இருக்கிறது. அதை நேரம் வரும்போது பகிர்ந்து கொள்கிறேன்.

நன்றி.

Flash news : போலியோ மருந்தால் திருப்பூரில் பதட்டம்

2008-12-21T17:39:00.000+05:30

திருப்பூரில் போலியோ மருந்து வழங்கப்பட்டு 16 குழந்தைகள் இறந்துள்ளதாக வந்த நம்பகமற்ற தகவல்கள் திருப்பூர் மாநகரை ஒரு உலுக்கு உலுக்கியுள்ளது. இதனால் இன்று மதியத்திற்கு மேல் மூன்று இடங்களில் சாலை மறியல் நடக்கின்றன. பெற்றோர்கள் போலியோ மருந்து உட்கொண்ட குழந்தைகளுடன் அனைத்து சிறு மற்றும் பெரிய மருத்துவமனைகளின் வாசலில் நிற்கின்றனர். இதனால் செய்வதறியாத மருத்துவமனைகள் மூடப்பட்டுள்ளன. சாலலகள் எங்கும் போலீஸ் குவிக்கப்பட்டுள்ளனர்.

திருப்பூர் அரசு மருத்துவமனைகளின் ஜன்னல்கள் மற்றும் கதவுகள் பொதுமக்களால் அடித்து நொறுக்கப்பட்டுள்ளன! நகரம் முழுவதும் வாகனங்கள் நெரிசலில் சிக்கியிருக்கின்றன! இவை வதந்தியா அல்லது உண்மையா என உறுதி செய்யப்படவில்லை.

இந்த நிலையில் 16 குழந்தைகள் இறந்தது திருப்பூரின் அவினாசி சாலையில் என பொதுமக்கள் பேசிக்கொள்கின்றனர். தனது குழந்தைகளுக்கு என்ன நேருமேவென நீண்ட வரிசையில் மக்கள் மருத்துவமனைகளின் காத்து கிடக்கின்றனர். சில மருத்துவர்கள் மனிதாபிமான அடிப்படையில் கலவரத்தை கணக்கில் கொள்ளாமல் ஆலோசனை கூறி வருகின்றார்கள்.

இந்த நிலையில், வதந்தியை நம்ப வேண்டாமென்று சுகாதாரத்துறை (சன் நியூஸ் தொலைக்காட்சியில்) கேட்டுக்கொண்டுள்ளது!

சாரு நிவேதிதாவின் மற்றுமொரு படைப்பு! (உரையாடல் புத்தகம்)

2008-12-17T18:50:00.007+05:30

சாரு நிவேதிதாவை தமிழ் நாட்டில் அனைவருக்கும் தெரியும்! இணையத்தில் சொல்லவே தேவையில்லை! அவர் பெயர் கொண்டு 20 பதிவுகள் தினமும் படிக்கலாம். நமது பதிவில் எங்காவது ஒரு மூலையில் அவர் பெயரை போட்டால் குறைந்தது 100 பின்னூட்டம் தாறுமாறாக வரும்! எங்காவது சாருவை பற்றி படிக்க நேர்ந்தால் அவரை பற்றி அவதூறாகவே படிக்க முடிகிறது!

ஆனாலும் அதுவே அவருக்கு விளம்பரமாக ஆகிவிடுகிறது! அதற்கென தனியாக மெனெக்கடத் தேவையில்லை! அவரை படிக்க வேண்டுமென ஆசை எனக்கு வந்ததும் இதனால்தான்! அனைவரும் அவரை திட்ட அப்படி அவர் என்னதான் செய்கிறார்? இதன் விளைவு, அவரது ஜீரோ டிகிரி புத்தகத்தை வாங்கி ஒரே மூச்சில் படித்து முடித்தேன்! ஆரம்பத்தில் சில அத்தியாயங்கள் படிக்க கடினமாக இருந்தாலும் விரைவில் சரளமாக அவரது நடையை தொடர முடிந்தது! அந்த கடினத்திற்கு காரணம் தனது மனதின் எண்ண ஓட்டத்தை அதே நடையில் பதிவாக்கியிருப்பதுதான் காரணம். பொதுவாக நாம் டைரி எழுதும் நடையில் ( டைரி எழுதுபவர்களுக்கு தெரியும்) அவரது இலக்கியம் இருப்பது அவரது கூடுதல் பலம்.

அவரது ராஸ லீலா என்ற நூலை வாங்க முயல்கிறேன், ஆனால் திருப்பூரில் எங்கும் கிடைக்கவில்லை. ஆனால் அந்த தேடலின் போது அவரது உரையாடல் நூல் ஒன்று கிடைத்தது! அது கேரளாவின் பாலியல் தொழிலாளியான (நாம் பொதுவாக விபச்சாரி என்று சொன்னாலும் இந்த தொழில் இன்று பல நாடுகளில் அனுமதிக்கப்பட்டுள்ளது- இந்தியா உட்பட) நளினி ஜமீலா என்பவருடனான இன்றைய கலாச்சார பாலியல் பிரச்சனைகள் தொடர்பாக அவரது உரையாடல் அடங்கிய ‘பாலியல்’ என்னும் நூல்.

நான் அவரது ஜீரோ டிகிரி நூலை நாவல் என்ற அடிப்படையில் படிக்க முனைந்த காரணத்தால் அவரது கொள்கை மற்றும் நிலைப்பாடு ஆகியவற்றை அறிய இதுவே உதவியது! என்ன பெரிய கொள்கை நிலைப்பாடு, நாம் மனதில் என்னத்தை அழுத்தி வைத்துக்கொண்டு பைத்தியம் பிடித்து திரிகிறோமோ (கள்ளக் காதல் உட்பட) அவைகள் எல்லாம் அழுத்தி வைக்கப்பட வேண்டியது அல்ல, தெளிந்து கொள்ள வேண்டியது. இதுதான் அவரது தெரிவு அன நினைக்கிறேன்! ஆனாலும் அவரது துணிச்சல் பாராட்டத்தக்கது, இந்த சூழலில் தமிழ் இலக்கியத்தின் அடுத்த கட்டத்தை இவ்வளவு துணிச்சலுடன் மக்களிடம் பதிப்பதில் அவருக்கு நிகர் அவர் மட்டுமே. இங்கே ஒரு எழுத்தாளருக்கானா மரியாதை அவருக்கு கொடுக்கப்படவில்லை என்பது கொடுமை.

பெரும்பாலான தமிழ் எழுத்தாளர்கள் சினிமா, அரசியல் என்ற போர்வைக்குள் மட்டுமே புதைந்து பணம் சம்பாதிக்கின்றனர். அதையும் தாண்டி சிலர் எழுதினாலும் புரட்சி பற்றி பேசுவதே அவர்களது நாகரீகமாகிவிட்டது. அதற்குமேலே சமூகம், உறவுகள் மற்றும் குடும்பம் என்ற அமைப்புகள் அடக்கிவைத்திருக்கும் தனிமனித உணர்ச்சிகளை உடைத்தெறிய மட்டுமல்ல அதைப்பற்றி வாய் திறக்ககூட யாரும் தயாராக இல்லை!

இங்கே ஒரு பெண் தன் வாழ்க்கை துணையை தேர்ந்தெடுக்கும் உரிமை கிடையாது. அவ்வளவு ஏன், வாழ்க்கை துணையாக வருபவன் தனக்கு பிடித்தவனா இல்லையா என்ற அவளது பதிலை யாரும் எதிர்பார்த்து இங்கு இல்லை! இங்கே நடக்கும் வியாபாரங்களில் திருமணமும் ஒன்று, விலை பொருட்களில் மணப்பெண்ணும் ஒரு பொருள். இதன் விளைவுகள் தான் கள்ளக்காதல், கணவன் கொலை, மாமியார் கொடுமை அல்லது மணமகள் தீக்குளிப்பு போன்றவைகள். இவைகளின் அடிப்படை காரணிகளை கண்டுபிடித்து அவற்றை பற்றிய விழிப்புணர்வு ஏற்படுத்தும் சாருவின் பணி மகத்தானது.

பாலியல் என்னும் இந்நூல், ‘’ ஒன்றரை வயது குழந்தையை எடுத்துச்சென்று பாலியல் வன்முறை செய்த ஒருவரை மக்கள் கட்டி வைத்து அடித்து உதைத்து போலிசில் ஒப்படைத்தனர்; நள்ளிரவு தன் கால் சென்டர் வேலலயை முடித்துத் திரும்பிய பெண்ணை ஷேர் ஆட்டோவில் வந்த கும்பல் கடத்திச் சென்று பாலியல் வன்முறை செய்தது; கரும்பு தோட்டத்தில் வைத்து உறவுப்பெண்ணை கற்பழிக்க முயற்சி ‘’ என்ற இந்த நூலுக்கு எழுத்து வடிவம் தந்த அருள் எழிலனின் முன்னுரையுடன் தொடங்குகிறது. மேலும் இந்த முன்னுரையில் சாருவை பற்றி எளிமையாக நமக்கு அறிமுகம் செய்து வைக்கிறார்.

கேள்வி பதிலாக இல்லாமல், தாங்கள் அனுபவித்த சமுகத்தையும் அதன் பிரச்சனைகளையும் மிக ஆழமாக உரையாடியிருக்கின்றனர் சாருவும் நளினியும். இதில் பெரும்பாலும் தனது அனுபவத்தையும், மக்களின் பாலியல் குறித்த அறியாமையையும், குடும்ப பெண்களின் அடிமை நிலைமைகள் பற்றியே நளினி பதில் இருக்கிறது. உதாரணமாக,

1. நளினி ஒரு சோதனையில் போலீசிடம் மாட்டிக்கொண்ட போது அவர் சிறையில் அடக்கப்பட்ட போது நடந்தது. அவர் சொல்கிறார், ‘’ ஒரு தடவை ஐந்து பேரை கைது செய்தார்கள். ஏனென்றால் ஐந்து பேரை கைது செய்தால்தான் போலீஸ் ஜீப் கிடைக்கும்.எனக்கு ஸ்டேசன் புதுசில்லை. ஆனால் சிறை புதிது.ஒரு செல்லில் நாங்கள் ஐந்து பேரும் படுத்திருந்தோம். கொஞ்ச நேரத்தில் ஜெயில் கம்பியை வார்டன் தடியால் தட்டினார். ‘ நீங்கள் எல்லாம் விலகி படுங்கள் என்று கத்தினார்’. எனக்கு புரியவில்லை. நாங்கள் லேடிஸ் தானே! நாங்கள் ஏன் விலகி படுக்கனும்? என்று கேட்டேன்.அதற்கு ‘ ஒண்ணா கிடந்து நீங்க என்ன பண்ணுவீங்கனு தெரியும்டீ; விலகிப் படுங்க’ என்று அதட்டிட்டு போனார். எனக்கு லெஸ்பியன் பிடிக்காது. ஆனால் லெஸ்பியனை ஆதரிப்பேன். செக்ஸ் தொழிலாளி என்றால் எந்த நேரமும் செக்ஸுக்காக அலைவாங்க என்று நினைக்கிறார்கள். எத்தனை ஜென்மம் எடுத்தாலும் திருந்த மாட்டார்கள்.

2. உடலுறவு பற்றிய அறிவும் அதோட செயல்பாடுகள் பற்றித் தெரிந்தவர்களும் இங்கே மிகவும் குறைவு. என்னிடம் ஒருவன் கேட்டான், எனக்கு கல்யாணம் ஆயிடுச்சு, மனைவி ரொம்ப சின்ன பொண்ணு. ஆனால் ரத்தம் வரலை. அது என்ன காரணம்? ஒரு வேளை என் மனைவி கெட்டுப்போயிருப்பாளோ? இந்த கன்னித்தன்மை குறித்த சந்தேகம் உறுப்புகள் குறித்த அறியாமையாலும் நமது முன்னோர்களின் தவறான மூட நம்பிக்கையினாலும் வருகிறது. ‘ கன்னித்தன்மை எல்லாம் ஒன்றும் கிடையாது.மனனவியோட போய் சந்தோஷமா இரு என்று நான் சொன்னால்.. இவளே ஒரு செக்ஸ் ஒர்க்கர், இவளை மாதிரித்தானே அடுத்தவளுக்கும் அறிவுரை சொல்லுவாள் என நினைப்பான் என தனது அனுபவத்தை சொல்கிறார் நளினி! இதைப்போல நூல் முழுவதும் நிறைய காணலாம்.

3. இங்கே இருவரும் மேலை நாட்டிலுள்ள கலாச்சாரத்தை முன்னிறுத்தி பல இடங்களில் கூறியுள்ளார்கள்!

உடலுறவு மட்டுமே செக்ஸா?
மீசை இருப்பவனெல்லாம் ஆணா?
பெண்ணுக்கும் ஸ்கலிதம் உண்டா?
பாலியல் தொழிலை ஒழிக்கக்கூடாதா?
பிம்ப்புகள் செய்வது சமூக சேவையா?

என்ற கேள்விகளுடன் புத்தகம் முடிகிறது!

மொத்தத்தில் சாருவின் மற்றொரு பொக்கிஷம் இது! சாருவை முதலில் விஜய் டிவியில் நீயா? நானா? எனும் நிகழ்ச்சியில் முதலில் பார்த்து அவரது பேச்சை பார்த்து அதிசயத்தேன்! மொத்தத்தில் சாருவின் ஆளுமை மகத்தானது! சில இடங்களில் சாருவுடன் முரண்பட வேண்டியுள்ளது! என்னதான் எழுதினாலும் தனது அந்தரக்கத்தை எழுதுவது தனது பெயரை பாதிக்கும் என்பதை சாரு நினைவில் வைத்துக்கொள்ல வேண்டும்! இதுவே அவரது தனித்தன்மையாகவும் இருக்கிறது என்பது உண்மையே!

எந்தவொரு சொல்லையும் செயலையும் தணிக்கை செய்ய வேண்டிய அவசியமல்லாமல் எழுதுவது அவரது சிறப்பு! அதேபோல ஒரு செயலில் தனக்கு உடன்பாடில்லையெனில் அதை தெளிவுபட சொல்லிவிடுவது! இன்னும் எத்தனையோ உள்ளது!

நூலின் பெயர் : பாலியல்
எழுத்து வடிவம் : டி.அருள் எழிலன்
வெளியீடு : தென்திசை பதிப்பகம்
விலை : ரூ 70/-

நன்றி,

சு.கார்மேகராஜா

கோடிக்கணக்கான தொழிலாளர்களும் விவசாயிகளும் உள்ளூர் விஞ்ஞானிகளும் தான் இந்த நாட்டை இதுவரை வளர்த்தெடுத்தார்கள். காலம் காலமாக அவர்கள் அரும்பாடு பட்டு எட்ட

2008-07-19T20:35:00.002+05:30

கோடிக்கணக்கான தொழிலாளர்களும் விவசாயிகளும் உள்ளூர் விஞ்ஞானிகளும் தான் இந்த நாட்டை இதுவரை வளர்த்தெடுத்தார்கள். காலம் காலமாக அவர்கள் அரும்பாடு பட்டு எட்டிய வளர்ச்சியை கடந்த பதினைந்து ஆண்டுகளில் இவர்கள் புதிய பொருளாதாரக் கொள்கையின் பேரால் நாசமாக்கி விட்டார்கள். புதிய பொருளாதாரக் கொள்கை அறிமுகப்படுத்தப்பட்ட கடந்த பதினைந்து ஆண்டுகளில் நாடு முன்னேறியிருக்கிறது. அடையாறில் ஐ.டி.காரிடர் சாலை என்றால் சென்னையைச் சுற்றி வளைத்திருக்கிறார்கள் ஏக போக முதலாளிகள். போர்ட், ஹ¨ண்டாய்,பி.எம்.டபிள்யூ, செயிண்ட் கோபெய்ன் என கார் தொழிற்சாலைகளும் கண்ணாடி தொழிற்சாலைகளுமாய் ஒட்டு மொத்த இந்தியாவும் ‘முன்னேறுவது’ போல தமிழ்நாடும் ‘முன்னேறுகிறது’. ஆனால் இந்த மண்ணின் பூர்வ குடிகள் வாழ வழியில்லாது துரத்தப்படுகிறார்கள் தங்களின் சொந்த மண்ணில் இருந்து.

கடலோரங்களில் இருந்து காட்டுக்கும், கிராமங்களில் இருந்தும் நகரங்களுக்கும் துரத்தப்படுகிறார்கள். தங்களின் விவசாய நிலங்களை அடி மாட்டு விலைக்கு விற்று விட்டு வேலை தேடி நகரங்களுக்கு வருகிறார்கள் அவர்கள். ஆனால் நகரமோ இது உனக்கான இடமில்லை எனச் சொல்லி துரத்த, போக்கிடம் இல்லாமல் முடிவில் தற்கொலை செய்து கொள்கிறார்கள் விவசாயிகள். இதுதான் இன்றைய வளரும் இந்தியாவில் ஏழைகளின் நிலை. அவர்கள் யாரோ ஒருவர் அல்ல. அவர்கள் உழைத்துத்தான் நாம் நகரங்களில் அமர்ந்து உண்டு உறங்கினோம். இன்று அவர்கள் தற்கொலை செய்து கொள்ளும் போது அதை ஒரு செய்தியாக மட்டுமே கேட்டு நாம் கடந்து போகிறோம்.பன்னாட்டு முதலாளிகளால் வறுமையோடு சேர்த்து விவசாயிகளுக்கு பரிசளிக்கப்படும் இந்த தற்கொலைக் கயிறுகள் நாளை நம் அனைவருக்கும் வழங்கப்படும் என்பதை சூழல்கள் உணர்த்துகின்றன.

நாடு முழுக்க லட்சக்கணக்கான விவசாயிகள் தற்கொலை செய்து கொண்ட பிறகும் இந்த பொருளாதாரக் கொள்கை தோல்வி எனத் தெரிந்த பிறகும் மன்மோகன் சிங்குகளும் ப.சிதம்பரங்களும் அத்வானிகளும் இந்தக் கொள்கையை உயர்த்திப் பிடிக்கிறார்கள் என்றால் இவர்கள் வேறு ஒன்றை எதிர்பார்க்கிறார்கள் என்று அர்த்தம். இதெல்லாம் ஒரு பக்கம் இருக்க பார்ப்பன இந்து மதவெறிப் பாசிசம் இந்தியாவைச் சூழ்ந்தபோது நாம் எதிர்க்க வேண்டிய முதல் விஷயம் இந்து மதவெறிதான் என்று நினைத்திருந்தோம்.ஆனால் இன்று வாழவே முடியாத பல்வேறு வடிவங்களில் நாட்டை உலகமயக் கொள்கை சூறையாடும் பொழுது எதை எதிர்ப்பதற்கு அதிக முன்னுரிமை கொடுக்க வேண்டும்? என்ற விவாதம் இன்று முன்னெடுக்கப்படுகிறது. ஆனால் சூழலும் கவனமும் வேறு திசையில் திரும்புகிறது என்பதை அவதானிக்கும் பாசிஸ்டுகளோ இந்த நேரத்தைப் பயன்படுத்துகிறார்கள். நாங்கள் மீண்டும் ஆட்சிக்கு வந்தால் அனைத்து மத மக்களையும் பொதுவாக நடத்தும் பொது சிவில் சட்டத்தை நடைமுறைப் படுத்துவோம் என அறைகூவுகிறார்கள். இரண்டு எதிரிகள் இரண்டு கயிறோடு வருகிறார்கள் இருவரையுமே எதிர்க்க வேண்டியதுதான் நமது கடமை.

இம்மாதிரியான சூழலில்தான் மொத்த சராசரி தமிழனின் வாழ்க்கையும் பாழாக்கப்படுகிறது. அதே வழியில் லட்சக்கணக்கான சிறுவியாபாரிகளும் அழிவின் விளிம்பில் சிக்கியிருக்கிறார்கள். சென்னையில் மட்டும் ரிலையன்ஸ் 60க்கும் மேற்பட்ட கடைகளை திறந்திருக்கும் சூழலில் சில்லறை வணிகம் மிக வேகமாக அழிந்து வருகிறது. தலையில் கீரைக் கட்டை சுமந்து வந்து தினந்தோறும் சில்லறைக் காசுகளுக்கு விற்பனை செய்து வந்த ஆயாவை நாம் நமது தெருவிலிருந்து துரத்தி விட்டு ரிலையன்ஸ் கடைகளை தேடிப்போகும் சூழல் நேர்ந்திருக்கிறது. அந்தவகையில் வணிகர் சங்கத் தலைவர் வெள்ளையன் சில்லறை வணிகத்தில் பன்னாட்டு ஏகபோக முதலாளிகளை அனுமதிப்பதை எதிர்த்து தொடர்ந்து போராடி வருகிறார். சமூக விழிப்புணர்வு இதழுக்காக அவரைச் சந்தித்தோம். பல மணி நேரம் நீண்ட நேர்காணலில் இருந்து சில பகுதிகள் வாசகர்களுக்கு....

உலகம் முழுக்க பல நாடுகளும் எதிர் கொள்ளும் ஒரு பிரச்சனை பண வீக்கம். உணவுப் பற்றாக்குறையும் தலை விரித்தாடுகிறது. இந்தியர்களும் சைனாக்காரர்களும் அதிமாக அரிசி சாப்பிடுவதால்தான் எங்களுக்க்கு உணவுப் பற்றாக்குறை ஏற்பட்டிருக்கிறது என்றிருக்கிறார் புஷ். இம்மாதிரி ஏற்படும் பண வீக்கம் சிறு வியாபாரிகளை பாதிக்குமா?

உலகம் முழுக்க பணவீக்கம் உள்ளூரிலும் பண வீக்கம் என்றால் அது உலகமயக் கொள்கையின் தோல்விதான். அமெரிக்காவில் பணவீக்கம். அதனால் இந்தியா தடுமாறுகிறது என்பதெல்லாம் ‘தென்னை மரத்தில் தேள் கொட்டி பனைமரத்தில் நெறிக்கட்டுகிறது’ என்பது மாதிரிதான். மிகப்பெரிய மக்கள் தொகையைக் கொண்ட நமது நாட்டில் எல்லா வளமும் ஏராளமாக இருக்கிறது. தாராளமாக விவசாய நிலங்களும் இருக்கிறது. நாம் உணவுப் உற்பத்தியில் தன்னிறைவு அடைந்திருந்த காலமும் ஒன்றிருந்தது. இன்று எந்தப் பொருளாக இருந்தாலும் இறக்குமதி செய்யும் கேவலமான நிலைக்கு நாட்டைக் கொண்டு சென்றது புதிய பொருளாதாரக் கொள்கைதான்.

நமக்குத் தேவையான பொருட்களை நாமே உறபத்தி செய்வதும் தேவைக்கு அதிகமான பொருட்களை ஏற்றுமதி செய்து வேண்டிய பொருட்களை இறக்குமதி செய்வதும் தான் ஒரு இறையாண்மை மிக்க நாட்டின் கொள்கையாக இருக்க முடியும். இதைச் செய்ய உலக வர்த்தக ஒப்பந்தமோ, உலகமயமோ அவசியமில்லை. அமெரிக்காவின் நலனைப் பேணும் நோக்கில்தான் இந்தியாவின் திட்டங்கள் செயல்படுத்தப்படுகிறது. மக்கள் தொகைக்கு ஏற்ப பாசனப் பரப்பையும் விவசாயத்தையும் அதிகரிக்காமல் நாளுக்கு நாள் விவசாய நிலங்களை சுருக்கிக் கொண்டு வருகிறார்கள். மரபான நமது விவசாயத்தை நசுக்கி மரபணு மாற்ற விதைகளை பயிரிடச் சொல்வதன் மூலம் இவர்கள் சொந்த மக்களைப் பற்றி கவலைப்படாமல் அமெரிக்காவைப் பற்றி கவலைப்படுகிறார்கள்.

சொந்த மக்கள் பட்டினியால் சாகிறார்கள். விவசாயிகளின் தற்கொலை விகிதம் அதிகரிக்கிறது. இப்போது இவர்களது கொள்கை எல்லாம் எப்படியாவது அமெரிக்க அணு சக்தி ஒப்பந்தத்தில் கையெழுத்து இட்டு விட வேண்டும் என்பதாகத்தான் இருக்கிறது. பொதுவாக ஏற்றுமதி என்பது என்ன? எது நமது தேவைக்கு அதிகமாக இருக்கிறதோ அதை இங்கிருந்து மற்ற நாடுகளுக்கு ஏற்றுமதி செய்ய வேண்டும். எது நமக்கு தட்டுப்பாடாக இருக்கிறதோ அதை இறக்குமதி செய்ய வேண்டும். ஆனால் இவர்கள் எதெல்லாம் இங்கு இருக்கிறதோ அதை எல்லாம் வெளிநாட்டில் இருந்து இறக்குமதி செய்கிறார்கள். தேவைக்கு எதெல்லாம் உள்நாட்டில் தட்டுப்படாக இருக்கிறதோ அதை எல்லாம் இங்கிருந்து ஏற்றுமதி செய்து கப்பல் கப்பலாக வெளிநாடுகளுக்கு அனுப்பிக் கொண்டிருக்கிறார்கள். இப்படி முட்டாள்தனமான பொருளாதாரக் கொள்கைகளை செயல்படுத்துகிற ஒரு அரசாகத்தான் மத்திய அரசு இன்றைக்கு இருக்கிறது.

உதாரணத்துக்கு சமையல் எண்ணெய்க்கு நமது நாட்டில் தட்டுப்பாடு ஏற்பட்டிருக்கிறது. சமையல் எண்ணெயில் தன்னிறைவோடு இருந்த காலம் உண்டு. எப்படி தன்னிறைவு இருந்தது? ஒரு கிராமத்தில் எண்ணெய் தயாரிக்கிற கல் செக்கு இருக்கும். அந்த செக்கில் தயாரிக்கப்படுகிற எண்ணெய் அந்தக் கிராமத்தின் தேவையையே பூர்த்தி செய்து விடும். கிராமங்களில் எண்ணெய் தயாரிக்கும் தொழில் மூலம்தான் நாம் தன்னிறைவு அடைந்திருந்தோம். ஆனால் வளர்ந்த நாடுகள் அந்த எண்ணெய்யை சுத்தமில்லாதது, உடல் நலத்துக்கு தீங்கு விளைவிக்கும் என்று சொல்லி அந்த கிராமத் தொழிலையே அழித்து விட்டார்கள். காரணம் அமெரிக்காவில் விளைகிற சோயா பீன்ஸ் எண்ணெய்யும், இந்தோனேசியா, மலேஷியா, பிலிப்பைன்ஸ் போன்ற நாடுகளில் இருந்து பாமாயிலையும் இறக்குமதி செய்வதற்காக அதை பலியிட்டார்கள்.

முதலில் உள்ளூர் தயாரிப்புக்களை அசுத்தமானது, ஆரோக்கியமில்லாதது என ஒழித்துக் கட்டுவது. பின்னர் தட்டுப்பாடு என்று சொல்லி வெளிநாட்டில் இருந்து இறக்குமதி செய்வது என்று திட்டமிட்டு செயல்படுகிறார்கள். நமது பாரம்பரிய உணவுப் பொருட்கள் நமது அன்றாட வாழ்வில் கலந்திருந்த வரை நோய்கள் நம்மை விட்டு விலகி இருந்தன. ஏனென்றால் ‘உணவே மருந்து மருந்தே உணவு’ இதுதான் நமது பாரம்பரிய உணவுக் கலாச்சாரம். உற்பத்திக் கலாச்சாரமும் அதுதான். ஆனால் அதைத்தான் இவர்கள் அசுத்தம் எனச் சொல்லி நமது பாரம்பரிய உற்பத்திகளை அழித்து அந்நிய நாட்டிலிருந்து எண்ணெய்யை இறக்குமதி செய்கிறார்கள். கூடவே இலவசமாக பல விதமான நோய்களையும் இறக்குமதி செய்கிறார்கள்.

ஆன்லைன் வர்த்தகம் பற்றிய விழிப்புணர்வு பொதுவாக மக்களிடம் ஏன் வியாபாரிகளிடம் கூட இல்லையே?ஆன்லைன் வர்த்தகம் என்றால் என்ன? இம்மாதிரி இணைய வழி நடக்கும் வர்த்தகத்தால் விவசாயிகளுக்கும் உழைக்கும் மக்களும் ஏற்படும் பாதிப்புகள் என்ன?

ஆன்லைன் வர்த்தகம் என்பது ‘பியூச்சர் டிரேடிங்’ என்கிற வடிவத்தில் முன்பு இருந்தது. இதை எதற்காக கொண்டு வந்தார்கள் என்றால் விவசாயப் பொருட்களுக்கு கட்டுப்படியாகும் விலை கிடைக்கவில்லை என்பதால் இதை கொண்டு வந்தார்கள். ஒரு பொருள் விளைகிறபோதே அதற்கான விலையை நிர்ணயம் செய்து விளைந்த பிறகு அந்தப் பொருளை வாங்கிக் கொள்வதுதான் பியூச்சர் டிரேடிங். அப்படி முன்பதிவு செய்தவர்களுக்கு அவர்கள் என்ன விலைக்கு பதிவு செய்தார்களோ அந்த விலைக்கு விளைபொருளைக் கொடுத்தாக வேண்டும். யார் பதிவு செய்தார்களோ அவர்களுக்கு அந்த பொருளின் லாபம் போய்ச் சேரும். ஏற்கனவே விவசாயிகள் எந்த மொத்த வியாபாரிகளுக்கு தங்களின் விளைபொருட்களை கொடுக்கிறார்களோ அவர்களிடம் தங்களின் விவாசாய தொழிலுக்கான முன்பணம் வாங்குவது விவாசியிகளின் வாடிக்கை.

முன்தொகை யாரிடம் வங்குகிறர்களோ அவர்களுக்குத்தான் விளைபொருட்களை விற்கவேண்டும் என்பது ஜென்டில்மேன் அக்ரிமெண்ட். இதெல்லாம் பரஸ்பர புரிந்துணர்வின் அடிப்படையில் நடக்கிற வியாபாரம். அதன் அடிப்படையில்தான் பியூச்சர் டிரேடிங் என்ற ஒன்றை கொண்டு வந்தார்கள். ஆனால் நாளடைவில் இது ஒரு வர்த்தகச் சூதாட்டமாய் மாறி விட்டது. ஒரு விலையை நிர்ணயம் செய்து விவசாயிகளிடம் வாங்கப்படுகிற பொருள் பல மடங்கு கொள்ளை லாபத்துக்கு விற்கப்படுகிற அக்கிரமமான சூதாட்டம்தான் இந்த ஆன்லைன் டிரேடிங். விவசாயிகளுக்கு நன்மையாக இருக்கும் எனக் கொண்டு வரப்பட்டு விவசாயிகளின் வாழ்க்கையை வைத்து மிக மோசமான சூதாட்டமாக இது மாறிப்போனதால் சுதந்திரத்துக்குப் பிறகு மூன்று முறை இந்த பியூச்சர் டிரேடிங் என்று சொல்லக் கூடிய இந்த ஆன்லைன் வர்த்தகத்தை இந்திய அரசு தடை செய்தது.

2003ல் பாரதீய ஜனதா கட்சி ஆட்சியில் மீண்டும் ஆன்லைன் வர்த்தகம் வேறு வடிவில் கொண்டு வரப்பட்டது. அப்படி கொண்டு வரும்போது ஐந்து வகையான பொருட்களை மட்டும் இந்த ஆன்லைன் வர்த்தகத்தில் சேர்க்கலாம் என்று அரிசி, சர்க்கரை, கோதுமை, செம்பு, தங்கம் என ஐந்து வகைப் பொருட்களை கொண்டு வந்தார்கள். அப்படி கொண்டு வரப்பட்ட சில நாட்களிலேயே தங்கம் விலை ஏகத்துக்கும் உயர்ந்தது. மீண்டும் காங்கிரஸ் தலைமையிலான கூட்டணி அரசு ஆட்சிக்கு வந்த பிறகு 150 வகையான பொருட்களை ஆன்லைன் வர்த்தகத்தில் இணைத்து விட்டார்கள். எந்தெந்த பொருட்களெல்லாம் மக்களின் அன்றாடப் பயன்பாட்டில் அத்தியாவசியப் பொருட்களோ அந்த பொருட்களெல்லாம் இந்த ஆன்லைன் வர்த்தகத்தில் இணைந்து விட்டது.

இந்த சூதாடிகளுக்கும் உழைப்புக்கும் ஒரு தொடர்பும் கிடையாது. செயற்கையான வணிகம் இங்கு நடக்கிறது. கோடிக்கணக்கான பணத்திற்கு பொருளை விற்கிறேன் அல்லது வாங்குகிறேன் என்று கூறி எந்தப் பொருளும் இல்லாமல், விற்பனையும் இல்லாமல் செயற்கையான சந்தையை இந்த சூதாடிகள் உருவாக்குகிறார்கள். அவர்கள் விற்கும் மதிப்பில் மிகக் குறைந்த சதவீதமே செலுத்தினால் போதும். சந்தையில் போலியான ஒரு பொருட்தட்டுப்பாடு ஏற்படுகிறது. தட்டுப்பாடு ஏற்படுவதால் விலைவாசிகள் மேலும் உயர்கிறது. இதுதான் ஆன்லைன் வர்த்தகம். இதற்கு மத்திய அரசும் துணை போகிறது. பணமே போடாமல் உழைக்காமல் ஓர் அறையில் அமர்ந்து கம்யூட்டரின் உதவியோடு கோடி கோடியாக சம்பாதிக்கும் இந்த பேராசைக்காரர்களைப் போல நமது நிதி அமைச்சர் ப.சிதம்பரத்துக்கும் ஒரு பேராசை இருக்கிறது. அது அரசாங்கத்தின் கஜானாவை நிறைக்க வேண்டும் என்பதுதான்.

பணமே போடாமல் பாக்கெட்டை நிரப்ப நினைக்கும் இந்த சூதாட்டக்காரர்களுக்கும் என்ன ஆனாலும் கஜானா நிரம்ப வேண்டும் என்று நினைக்கிற நிதி அமைச்சருக்கும் என்ன வித்தியாசம்? அப்படி கஜானாவை நிரப்ப இவர்கள் கண்டுபிடித்த வழிதான் ‘ஆன்லைன் டிரேடிங்’. இப்போ ஒரு குண்டூசியை மாநிலத்துக்குள்ளேயே வியாபாரம் செய்தால் அதற்கான வரியை நாம் மாநில அரசுக்குக் கட்டினால் போதும். ஆனால் அதே குண்டூசியை ஒரு மாநிலத்தை விட்டு இன்னொரு மாநிலத்துக்கு கொண்டுபோனால் மத்திய அரசுக்கு வரி கட்ட வேண்டும். ஆனால் இந்த ஆன்லைன் வர்த்தகம் எங்கு நடந்தாலும் சரி மத்திய அரசுக்கு 12.2% வரி கட்ட வேண்டும்.

ஆன்லைன் வர்த்தகத்தில் எந்தப் பொருளையும் செயற்கையாக வாங்கினாலும் சரி விற்றாலும் சரி மத்திய அரசுக்கு வரி கொடுத்து விட வேண்டும். அரசு கஜானா நிரம்பிவிடும் என சிதம்பரம் நம்புவது இப்படித்தான். ஆனால் ஆன்லைன் வர்த்தகத்தில் ஈடுபடும் சூதாடிகள் அரசுக்கு ஒழுங்காக வரி கட்டுவதில்லை. வருடாந்திர வருமானத்தை கணக்கிட்டு ஒரு தொகையை வரியாகச் செலுத்தி விட்டு தப்பிவிடுகிறார்கள். ஆனால் அதுவே பெரிய வருவாயாக இருப்பதால் அரசும் இதை அனுமதிக்கிறது.

ஏற்றுமதி என்பது மிக மோசமான திருட்டாக மாறிப்போனது இல்லையா?

ஆமாம் மிக மோசமான திருட்டாக மாறிப்போயிருக்கிறது. நமது வளங்களை கூறு போட்டு கப்பல் கப்பலாக ஏற்றி அனுப்பிக் கொண்டிருக்கிறார்கள். இப்போ சிமெண்ட் விலையைப் பாருங்கள். விலையை குறைக்க வேண்டும் என சிமெண்ட் முதலாளிகளை எல்லாம் அழைத்துப் பேசி என்ன பயன்? விலை குறையவில்லையே? இருக்கிற பத்து முதலாளிகளுக்கு பதில் பல நூறு முதலாளிகள் இருந்து சிமெண்ட் உற்பத்தி செய்திருந்தால் விலை குறைந்திருக்குமா இல்லையா? ஒரு தொழிற்சாலையில் எவ்வளவு சிமெண்ட் உற்பத்தி செய்யப்படுகிறதோ அந்த உற்பத்தியில் இருந்து 10% சிமெண்டை ஏற்றுமதி செய்யலாம் என்கிறது அரசு விதி. ஆனால் சிமெண்ட் தயாரிக்கிற மூலப் பொருளை ஏற்றுமதி செய்கிறோம் என்று குஜராத் துறைமுகம் மூலமாக ஏற்றுமதி செய்கிறார்கள்.

சிமெண்டைத்தானே ஏற்றுமதி செய்யக் கூடாது. நாங்கள் சிமெண்ட் தயாரிக்கும் மூலப் பொருளான க்ளிங்கரை ஏற்றுமதி செய்கிறோம் என்று இங்கிருந்து அதை கப்பலில் ஏற்றி அனுப்புகிறார்கள். அது செல்லும் வழியிலேயே சிமெண்டாக மாற்றப்பட்டு வெளிநாடுகளில் இறங்கும்போது சிமெண்டாக மாறி இறக்கி வைக்கப்படுகிறது. அது போல இரும்புப் பொருட்கள் மற்றும் பீரோ தயாரிக்கிற இரும்பு சீட் இன்று ஒரு டன் 65,000 ரூபாய்க்கு விற்கப்படுகிறது. ஆரம்பத்தில் 18,000 ரூபாயாக இருந்த இரும்பு இன்றைக்கு அதிக விலைக்கு விற்கப்படுகிறது. அது போல பிளாஸ்டிக் என அனைத்து பொருட்களின் விலையும் ஏறுவதற்கு காரணம் தனியார் தொழிலதிபர்கள் தான். அவர்களுக்குத் தேவையான கட்டுப்பாடுகளைக் கொண்டு வந்து அரசு பொதுத்துறை நிறுவனங்களை ஊக்குவிக்காமல் தேச வளத்தை இவர்கள் நாசம் செய்கிறார்கள்.

சமீபத்தில் கோதுமை விவசாயிகள் குவிண்டால் ஒன்றுக்கு ஆயிரம் ரூபாய் கேட்டுப் போராடினார்கள். கோதுமைகளை மூடை மூடையாக சாலையில் கொட்டி ஆர்ப்பாட்டம் நடத்தியும் பிரயோஜனம் இல்லை. மத்திய அரசு வாங்க மறுத்து விட்டது. 650 ரூபாய்க்காவது வாங்குங்கள் என்றார்கள், அதற்கும் மசியவில்லை அரசு. சூழலைப் பயன்படுத்திக் கொண்ட ரிலையன்ஸ் கோதுமையை குவிண்டாலுக்கு 650 ரூபாய் கொடுத்து லட்சக்கணக்கான குவிண்டால் கோதுமைகளை வாங்கி தனது கிட்டங்கியில் வைத்துக் கொண்டது. இப்போது நாட்டில் கோதுமை தட்டுப்பாடு. கோதுமைத் தட்டுப்பாட்டை போக்க மத்திய அரசு ஆஸ்திரேலியாவில் இருந்து குவிண்டாலுக்கு ஆயிரம் ரூபாய் கொடுத்து இறக்குமதி செய்கிறது. ரிலையன்ஸ் நிறுவனம் வாங்கிய கோதுமையை அதிக லாபம் வைத்து விற்று கொள்ளை லாபம் சம்பாதித்து விட்டது.

இது விவசாயிகளின் நுகர்வோரின் வயிற்றில் அடிக்கும் செயலில்லையா? அதனால்தான் சொல்கிறோம் இந்த பணவீக்கமும் உணவுத் தட்டுப்பாடும் போலியானது. மக்களின் பொருளும் விவசாயிகளின் விளைபொருளும் சில இடங்களில் குவிந்து கிடக்கிறது.

சிறு வியாபாரிகள் எனப்படுவோரை நீங்கள் எப்படி வரையறுக்கிறீர்கள்?

ஒரு டி.வி.எஸ் சேம்ப்பை வைத்து அதிகாலையில் கோயம்பேடு சந்தைக்குப்போய் காய்கறி வாங்கிக் கொண்டு போய் அதை விற்பனை செய்பவரில் தொடங்கி தலையில் கூடையை வைத்து வீடு வீடாகப் போய் கீரைகளையும் காய்கறிகளையும் விற்பனை செய்யும் ஆயாவும் சில நூறு ரூபாய்களுக்கு பொருள் வைத்து ஒரு பொது இடத்தில் வைத்து விற்று விட்டு மீண்டும் மாலையில் வந்தோ மறு நாள் வந்தோ விற்கும் தொழிலாளிகள் கூட சிறு வியாபாரிகள்தான். இவர்கள் வெறும் வியாபாரிகள் மட்டுமல்ல, சிறு தாயாரிப்பாளர்களும் கூட. ஒரு தயாரிப்பாளர், அப்புறம் விநியோகஸ்தர், மொத்த வியாபாரி, பொது மக்களுக்கு நேரடி விநியோகம் செய்பவர்கள் என இந்த வணிகம் ஒரு சங்கிலியைப் போல பலரது உழைப்பு தொடர்பானது. பலருக்கும் வாழ்வளிப்பது. பத்து லட்சம் வரை வியாபாரம் செய்பவர்கள் சிறு வியாபாரிகள்தான்.

வாட்வரி என்று சொல்லக் கூடிய வணிக வரிச் சட்டத்துக்குள் வராத அனைவருமே சிறு வியாபாரிகள்தான். வியாபாரிகளில் சின்ன வியாபாரிகள் இருபத்தைந்து லட்சம் பேர் இருப்பார்கள். தெரு வியாபாரிகள், உற்பத்தியோடு தொடர்புடையவர்கள், சைக்கிளில் போய் விற்பனை செய்பவர்கள் என அறுபத்தைந்து லட்சம் பேர் இந்த தொழிலில் ஈடுபட்டிருக்கிறார்கள். இதில் பலவிதமான சந்தை வடிவங்கள் இருக்கிறது. இம்மாதிரி சந்தைகள் தான் சிறு வணிகத்தில் ஒரு போட்டியை ஏற்படுத்தி விவசாயிகளுக்கு நியாயமான விலையைக் கொடுத்து வருகிறது. இந்த சந்தைகளை ஒழித்து ஏகபோகமாய் சில்லறை வர்த்தகத்தை சில தனியார் முதலாளிகளிடம் ஒப்படைப்பதுதான் மத்திய அரசின் திட்டம்.

நகராட்சி சந்தைகள், உள்ளாட்சி சந்தைகள் என இம்மாதிரி சந்தைகளை நம்பி ஆயிரக்கணக்கான தொழிலாளர்கள் இருக்கிறார்கள் தொழில்கள் இருக்கின்றன. ரிலையன்ஸ் கடைகள் வந்த பிறகு இவர்களின் வியாபாரம் பாதிக்கப்பட்டிருக்கிறது. இந்தப் பெரிய நிறுவனங்களோடு இவர்கள் போட்டி போட்டாலும் சில்லறை வணிகத்தில் ஈடுபடும் பன்னாட்டு நிறுவனங்கள் இந்த லட்சக்கணக்கான தொழிலாளிகளை வேகமாக அழித்து விடும் என்பதில் ஐய்யமில்லை. மிகப்பெரிய பணபலத்தோடு பல நூறு தொழிலாளர்களின் துணையோடு விஸ்தாரமான சேமிப்பு கிட்டங்கியோடு கடை நடத்தும் ரிலையன்சும் சாதாரண பெட்டிக் கடைக்காரரும் சந்தைப் போட்டியில் பொருள் விற்க வேண்டும் என்பதே எவ்வளவு பெரிய அயோக்கியத்தனம்.

ரிலையன்ஸ் வெளிக்கடையில் என்ன விலையோ அதே விலைக்குத்தான் இப்போது பொருட்களை விற்கிறான். சில பொருட்களை அதிக விலைக்கும் விற்கிறான். காரணம் வியாபாரிகளிடம் இருந்து எதிர்ப்பு வரக்கூடாது என்பதால்தான். ‘‘நம்ம விக்கிற விலைக்குத்தானே அவனும் விற்கிறான்’’ என இந்த வியாபாரிகளும் ஏமாந்து போகிறார்கள். ஆனால் ரிலையன்ஸ் தனது வலையை எல்லா இடத்துக்கும் விரிவுபடுத்திய பிறகு தெருவுக்குத் தெரு ரிலையன்ஸ் அங்காடிகளை திறந்த பிறகு அதிரடியாக விலை குறைப்பான். பொருட்களை உற்பத்தி செய்கிற பெரிய நிறுவனங்களோடு ஒப்பந்தம் போட்டுக் கொண்டு ரிலையன்ஸ் இதைச் செய்யும்போது சில்லறை வியாபாரிகள் மொத்தமாக பாதிக்கப்படுவார்கள்.

இப்போதே சிறு வியாபாரிகளின் 25% வியாபாரம் பாதிக்கப்பட்டிருக்கிறது. விவசாயிகளைப் போலவே சிறுவியாபாரிகளும் வணிகத்தை விட்டு வெளியேறி வருகிறார்கள். கடைகளை விற்று விட்டு கூலி வேலைக்குப் போகிறார்கள். தங்களின் கடைகள் நல்ல விலைக்குப் போகுமா என்றும் ரிலையன்ஸ்காரன் நல்ல விலைக்கு அவர்களின் கடைகளை வாங்கிக் கொள்வான் என்றால் அவனுக்கும் கொடுத்து விடத் தயாராக இருக்கும் அளவுக்கு அவர்களின் வியாபாரம் நலிவடைந்திருக்கிறது. அரசுக்கு இது பற்றி எல்லாம் கவலை இல்லை. சிறு வணிகர்கள் மூலம் ஐந்தாயிரம் கோடிக்கு வியாபாரம் நடக்கிறதென்றால் அதில் நான்காயிரம் கோடி வரி அரசுக்கு வராது. ஏனென்றால் லட்சக்கணக்கான சிறு வியாபாரிகள் தனித் தனியாகத்தான் இந்த வியாபாரத்தை மேற்கொள்கிறார்கள். ஆகவே இந்த லட்சக்கணக்கான வியாபாரிகளை ஒழித்து விட்டு ரிலையன்ஸ், வால்மார்ட் போன்ற சில முதலாளிகளை மட்டும் ஏகபோகமாய் சிறுவணிகத்தில் புகுத்துவதன் மூலம் அரசு கஜனாவுக்கு வரி வரும் எனச் சொல்கிறது மத்திய அரசு.

சில்லறை வணிகத்தில் ரிலையன்ஸ், வால்மார்ட் போன்ற பன்னாட்டு முதலாளிகளை ஈடுபடுத்துவதன் மூலம் விவசாயிகளின் விளைபொருளுக்கு நியாயமான விலை கிடைக்கும் என்றும் இந்த முதலாளிகளை நேரடியாக விவசாயிகளுடன் கோர்ப்பதன் மூலம் நாங்கள் இடைத்தரகர்களை ஒழித்து விடுகிறோம். அப்படி ஒழிப்பதன் மூலம் நுகர்வோருக்கு நியாயமான விலையில் கிடைக்கும் என ப.சிதம்பரம் சொல்கிறாரே?

விவசாயிகளுக்கும் நுகர்வோருக்கும் இடையில் இருக்கும் இடைத்தரகர் என்போர் அமெரிக்காவில் இருந்து குதித்து வந்தவர்கள் இல்லை. அவர்கள் இந்த மண்ணின் மைந்தர்கள். விவசாயத்தோடும் உடல் உழைப்போடும் நெருங்கிய தொடர்புடைய சிறுவியாபாரிகள். அப்படிப்பட்ட சிறு வியாபாரிகளைத்தான் சிதம்பரம் இடைத்தரகர்கள் என்கிறார். இந்த இடைத்தரகர்களின் ஓட்டை வாங்கித்தான் இன்று இவர் மத்திய அமைச்சராக இருக்கிறார். ரிலையன்ஸ் அம்பானியோ, வால்மார்ட் முதலாளியோ வந்து சிதம்பரத்துக்கு ஒட்டுப் போடப்போவதில்லை. லட்சக்கணக்கான சிறுவியாபாரிகள் வேலைவாய்ப்பை இழந்து போனால் இவர் என்ன செய்ய முடியும்?

கவர்ச்சிகரமான பொய்களை கட்டவிழ்த்து விடுவதன் மூலம் இவர்கள் மக்களை முட்டாள்களாக்கப் பார்க்கிறார்கள். சரி நான் ஒரு பேச்சுக்குக் கேட்கிறேன். இவர் சொல்கிற இடைத்தரகர்களை ஒழித்து விட்டால் ரிலையன்ஸ்சும் வால்மார்ட்டும் நுகர்வோருக்கு நியாயமான விலை கொடுத்து விடுவான் என்று இவர் உத்திரவாதமிட்டு சொல்ல முடியுமா? இது மிகப்பெரிய மோசடி. ரிலையன்ஸ், இது முதலில் சிறுவியாபாரிகளை அழிக்கும், பின்னர் அவர்களின் சந்தையை முற்றிலுமாக அழித்து விடும்.

விவசாயிகள் தங்களின் விளைபொருளை விற்பதற்கு ஒரு சந்தை இல்லாது போகும் சூழலில் அவர்கள் ரிலையன்ஸ் கம்பெனியிடமே தங்களின் விவசாயப் பொருட்களை விற்கும் சூழல் ஏற்படும். அப்போ விவசாயிகள் உற்பத்தி செய்கிற விளைபொருளுக்கு ரிலையன்ஸ் விலை நிர்ணயம் செய்வான். இது மோசமான மோசடி. அவன் அடிமாட்டு விலைக்கு வாங்குவான். அடி மாட்டு விலைக்கு வாங்கி அதிக விலைக்கு விற்பான். இதே தந்திரம் தான் ஆன்லைன் வர்த்தகத்திலும் இருக்கிறது. மாநிலத்தின் வளர்ச்சியில் முக்கிய பங்காற்றுவது இந்த சிறுவணிகம்தான்.

உலக வர்த்தக ஒப்பந்தத்தால்தான் நாடு முன்னேறி இருக்கிறது என்பது மாதிரி ஒரு தோற்றத்தை உருவாக்குகிறார்கள். காளிமார்க் சோடா, பவண்டோ எல்லாம் என்ன ஆனது? கோக் பெப்ஸிசியில் அனுமதிக்கப்பட்ட அளவை விட 27% பூச்சிக் கொல்லி மருந்து அதிகமாக இருப்பதாக ஆய்வுகள் தெரிவிக்கிறதே, அதை ஏன் இன்னும் இந்த அரசு தடை செய்யாமல் வைத்திருக்கிறது. முன்னரெல்லாம் உள்ளூரில் தயாரிக்கப்படும் பொருட்களுக்கு மவுசு இருந்தது. அவர்களும் தங்களின் வாடிக்கையாளர்களுடன் நேரடி தொடர்புடையவர்கள் என்பதால் நேர்மையாக நடந்து கொண்டார்கள். ஆனால் இன்று பற்பசை,சோப்பு, குளிர்பானங்கள், ஊட்டச்சத்து பானங்கள் என எல்லாவற்றிலும் பன்னாட்டு முதலாளிகள் மட்டுமே இருக்கிறார்கள். எடையைக் குறைத்து ஆனால் அதே விலைக்கு விற்கிற - நுகர்வோரை ஏமாற்றுகிற செயலை இன்றைக்கு செய்து கொண்டிருக்கிற பன்னாட்டு முதலாளிகளை தட்டிக் கேட்கும் யோக்கியதை நமது அரசுக்கு இல்லை.

நமது மக்கள் ஓட்டுப் போட்டு தேர்ந்தெடுக்கும் அரசு நமக்கான திட்டம் போடும் நம்மை வழிநடத்தும் என்கிற நிலை மாறி நாட்டின் அனைத்து முடிவுகளும் திட்டங்களும் தனியார் முதலாளிகளை மையப்படுத்தி செயல்படுத்தப்படுவது ஆபத்தானது இல்லையா? தொழிற் கொள்கை என்பதே மக்களின் கலாச்சார கொள்கையாக மாற்றப்படுகிறதே?

இது ஒரு நாட்டின் ஆகச் சீரழிந்த போக்கின் வெளிப்பாடு. ஏகபோக தொழில் வணிக கட்டுப்பாட்டுச் சட்டம் என்ற ஒன்று இருந்தது. ஏகபோகமாக எந்த தொழிலும் யாரிடம் இருக்கக் கூடாது. அப்படி ஏகபோக உரிமையோடு சில முதலாளிகள் இருந்தால் அவர்கள் பொருட்களை தரமில்லாமலும் தயாரிப்பார்கள். அதிக விலைக்கும் விற்பார்கள். அதற்கு சிறந்த எடுத்துக்காட்டு கோக் பெப்ஸி. சிமெண்ட் போன்றவைகள்தான். அரசு நிறுவனங்களை அழித்து பல உள்ளூர் தயாரிப்புகளையும் அழித்து விட்டு இன்று ஏகபோக முதலாளிகளை இதில் அறிமுகப்படுத்தி விட்டார்கள் மிகப்பெரிய ‘பொருளாதாரமேதைகள்’.

சிமெண்ட் விலையை சிதம்பரத்தாலோ மாநில அரசாலோ குறைக்க முடியவில்லையே?அது போல கலப்படத் தடைச் சட்டம் முன்பு இருந்தது. அதையும் இல்லாது ஒழித்து விட்டார்கள். மாம்பழத்தை பழுக்க வைக்க கால்சியம் கார்பைட்டைப் பயன்படுத்தினால் குற்றம். குளிர்பானத்தில் பூச்சிக் கொல்லியை கலந்தால் குற்றம் இல்லையா?

இதோ சிலிண்டர் விலை பெட்ரோல் டீசல் விலை எல்லாம் எகிறி விட்டது. ஹோட்டல்களில் உணவுப் பண்டங்களின் விலையைக் குறைக்க வேண்டும் என உத்தரவிடுகிற ஒரு நாளில் விலைவாசி கூடுகிறதென்றால் வியாபாரிகள் எப்படி விலையைக் குறைக்க முடியும்? உணவுப் பண்டங்களின் விலையைக் குறைக்க வேண்டும் எனக் கோருகிற அரசாங்கம் மூலப் பொருட்களின் விலையைக் குறைக்க என்ன வழி கண்டிருக்கிறது? சும்மா ஹோட்டல்காரர்களை அழைத்து மிரட்டுகிற வழக்கத்தை எல்லாம் பன்னாட்டு முதலாளிகளிடம் இவர்களால் காட்ட முடியாது என்பதுதான் உண்மை.

ரிலையன்ஸ் கடைகளை தமிழகத்தில் சில கட்சிகள் எதிர்த்தன. சில கட்சிகள் எதிர்க்கவே இல்லை. நீங்கள்கூட சில்லறை வணிகத்தில் ஏக போகத்தை எதிர்க்காதவர்களை வைத்து மாநாடு கூட நடத்தினீர்கள். உலகமயமாக்கத்தை பல சமயங்களில் நேரடியாகவும், சில சமயங்களில் மறைமுகமாகவும் ஆதரிக்கும் கட்சிகளைச் சேர்ந்த அ.தி.மு.க.வின் பி.எச்.பாண்டியன், வைகோ போன்ற தலைவர்களை வைத்து பொதுக்கூட்டம் நடத்தினீர்கள். இது முரண்பாடாக இருக்கிறதே? நந்திகிராம் விஷயத்தில் விவசாயிகளின் மரணத்திற்கு காரணமான மார்க்சிஸ்ட் கட்சியும் இதில் கலந்து கொண்டதே?

நாங்கள் நடத்தியது விலைவாசி எதிர்ப்பு மாநாடு. அந்த நோக்கில் தான் கட்சித் தலைவர்கள் எல்லோரையும் பாகுபாடின்றி அழைத்திருந்தோம். மற்றபடி, உலகமயமாக்கலை யார் ஆதரித்தாலும் எதிர்த்துப் போராடுவோம். பெரும்பாலான தலைவர்கள் என்ன நினைக்கிறார்கள் என்றால் இனி இதை எல்லாம் எதிர்க்க முடியாது என்று. அரசியல் கட்சிகள் மட்டுமல்ல வியாபாரிகளே அப்படித்தான் நினைக்கிறார்கள். அப்படி இல்லை. இதை நாம் முறியடித்து மாற்றியாக வேண்டும். அதற்காகத்தான் வணிகர் சங்கம் தொடர்ந்து போராடிக் கொண்டிருக்கிறது.

ரிலையன்ஸ் கடைகளை உத்திரபிரதேசத்தில் மூட முடிந்ததே நம்மால் முடியாதா என்ன? அங்கும் இப்படித்தான் முதலில் நினைத்தார்கள், கடைசியில் வியாபாரம் சீரழிந்து விவசாயிகள் பட்டினியில் கிடந்து மொத்த விவசாயமும் பாழடைந்தபோது மக்கள், விவசாயிகள், வியாபாரிகள் என அனைவரும் ஒன்றிணைந்து ரிலையன்ஸ் கடைகளை அடித்து நொறுக்கியதன் விளைவு அந்தக் கடைகளை அங்கு மூட வேண்டிய சூழல் ஏற்பட்டது. இப்படி பல நாடுகளிலும் வால்மார்ட்டை மக்கள் துரத்தி அடித்திருக்கிறார்கள். அப்படியான ஒரு சூழல் இங்கும் வரும், அதற்கு நீண்ட நாள் காத்திருக்கத் தேவையில்லை. ஒற்றுமையும் அரசியல் விழிப்புணர்வும்தான் தேவை.

எங்கள் விலைவாசி எதிர்ப்பு மாநாட்டுக்கு எல்லா அரசியல் கட்சிகளுக்கும் அழைப்பு விடுத்திருந்தோம். காங்கிரஸ், திமுக., வைத் தவிர அனைத்து கட்சிகளும் கலந்து கொண்டன. பொதுவாக அனைத்து அரசியல் கட்சிகளுமே மக்களை ஏமாற்றுகின்றன. மார்க்சிஸ்டு கம்யூனிஸ்டுகள் மேற்கு வங்கத்தில் ஒரு நிலைப்பாடும் இங்கு ஒரு நிலைப்பாடும் வைத்திருப்பதால் அவர்களுடனும் நாங்கள் உடன்படவில்லை. நந்திகிராம் விஷயத்தில் மார்க்சிஸ்டுகள் எடுத்த நிலைப்பாடு தவறானது என்பது எங்கள் கருத்து.

வணிகர் சங்கத்துக்கு நாடார் சங்கம் போல ஒரு தோற்றம் இருக்கிறதே?

சிறு வணிகர்களில் அதிகளவில் இந்த சமூகத்தைச் சார்ந்தவர்களாக இருப்பதால் அப்படி ஒரு தோற்றம் இருக்கலாமே தவிர உண்மையில் அப்படி இல்லை. எங்களின் மாநில அமைப்பில் அனைத்து சமுதாயத்தைச் சார்ந்தவர்களும் எல்லாப் பொறுப்புகளையும் பகிர்ந்து கொண்டுள்ளோம். எல்லாத் தரப்பு மக்களும் இருக்கிறார்கள். மற்றபடி வணிகர் சங்கத்தின் வளர்ச்சி பிடிக்காதவர்கள் இப்படியான வதந்திகளைப் பரப்புகிறார்கள்.

தற்பொழுதைய திமுக ஆட்சி வணிகர்கட்கு அதிக அளவில் சலுகைகள் புரிந்துள்ளதாக கூறுகிறார்களே? நீங்கள் ஏன் ஆட்சியில் இருப்பவர்களுடன் எதிர்ப்பு அரசியல் நடத்துகின்றீர்கள்?

திமுக கடந்த முறை ஆட்சியில் இருந்தபோது 5,250 கோடிதான் சிறு வணிகர்களால் அரசுக்கு வருமானம் வந்தது. அதை அதிகரிக்க சில யோசனைகளைச் சொன்னோம். சில வரிச் சலுகைகளைக் கேட்டோம். சில பொருட்களுக்கு வரி விலக்கு கொடுத்தார். நாங்கள் கேட்ட பெரும்பாலான கோரிக்கைகளை எல்லாம் கலைஞர் நிறைவேற்றினார். அடுத்த வருடமே அரசுக்கு சிறு வணிகர்களால் 8,150 கோடி ரூபாய் வருமானம் வந்தது. வள்ளுவர் கோட்டத்தில் நடந்த கூட்டத்தில் கூட கலைஞர் ‘‘அதிகாரிகளின் ஏட்டுக் கணக்கு பொய்த்து விட்டது. இந்த வியாபாரிகளின் மனக் கணக்குத்தான் வெற்றி பெற்றது’’ என்று பேசினார். இதெல்லாம் நடந்தது தேர்தல் நெருங்கிய நேரத்தில்.

இந்த முறை அவர் ஆட்சிக்கு வந்த பிறகு இன்றைக்கு வரை கலைஞரை சந்திக்க முயற்சிக்கிறேன் ஆனால் சந்திப்பதை தவிர்க்கிறார். அவர் எங்களுக்கு நிறைய செய்து விட்டதாக நினைக்கிறார். கலைஞர் செய்தது எனக்கல்ல. மக்களுக்குத்தான் செய்தார். தவிரவும் வணிகர் சங்கம் எந்த கட்சியையும் வெளிப்படையாக ஆதரிக்காது. நமக்கு நல்லது செய்திருக்கிறார் என வியாபாரிகள் யாரை நினைக்கிறார்களோ அவர்களை நாங்கள் ஆதரிப்பது கூட வணிகர் நலன் சார்ந்த நோக்கில்தானே தவிர கட்சி சார்பு அதில் இருக்காது. அதனால் தமிழகம் முழுக்க சென்ற சட்டமன்றத் தேர்தலில் நாங்கள் நடுநிலை வகித்தோம். எங்கள் கோரிக்கைகளை யார் நிறைவேற்றுகிறார்களோ அவர்களை நாங்கள் ஆதரிப்போம் என்றோம்.

கோக் பெப்சியை விரட்ட வேண்டும். வணிகத்தில் ஏக போக முதலாளிகளை ஒழிக்க வேண்டும் இதெல்லாம் எங்கள் கோரிக்கைகள். இந்த கோரிக்கைகளை வைத்தால் அவர் திமுகவை எதிர்ப்பதாக நினைக்கிறார். அதாவது வணிகர் சங்கம் திமுகவின் ஒரு கிளை அமைப்பாக இருக்க வேண்டும் என நினைக்கிறார்கள்.

அரசாங்கம் கண்டிப்பாக நடைமுறைப்படுத்த இருக்கும் சில திட்டங்களை முன்கூட்டியே தெரிந்து வைத்துக் கொண்டு அந்த திட்டம் பற்றி ஒப்புக்கு கோரிக்கை வைப்பதும் அத்திட்டம் தானாக நிறைவேறியவுடன் முதல்வரைச் சந்தித்து வாழ்த்துக்களைத் தெரிவிப்பது ஜால்ராக்கள், எடுபிடிகள் செய்யும் வேலை. அதையே நானும் செய்ய முடியாது. அரசுக்கு ஆதரவாக இருப்பது மிகவும் சுலபம். அரசியலோடும் கொள்கையோடும் இன்று எதிர்ப்பரசியல் நடத்துவது மிகவும் கடினம்.

keetru.com

Miss Universe 2008

2008-07-18T11:27:00.001+05:30

கமலின் தசாவதாரம் / புகைபடங்கள்.

2008-04-15T20:55:00.003+05:30

கமலின் தசாவதாரம் / புகைபடங்கள்.

டாக்டர் ஆகிறார் இயக்குனர் சங்கர்!

2007-08-28T15:42:00.000+05:30

தமிழ் திரையுலகின் மூலம் பார்ப்பனியத்தையும் அதிகார வர்க்க ஆளுமையையும் வளர்த்தெடுக்கும் அன்பு திருமகனும் மற்றும் தமிழ் கலாச்சாரங்களை சீரழைக்கும் செல்ல மைந்தனுமான இயக்குனர் சங்கர் அவர்களுக்கு கவுரவ டாக்டர் பட்டம் வழங்க முடிவு செய்திருக்கிறது சென்னை எம்.ஜி.ஆர் பல்கலைகழகம்.

இந்த அரிய விருது கொடுப்பதற்க்கு அவர்கள் சொல்லும் காரணம், இயக்குனர் சங்கரின் சமுதாய முன்னேற்ற நோக்கு பார்வையிலான அவரது திரைப்படங்கள்தானாம். என்ன கொடுமையிது? தமிழகத்தின் கலாச்சாரத்தையும் மக்களின் பழக்கவழக்கங்களையும் கேலிப்பொருளாக்கி படமெடுத்துவந்த ஒரு மனிதருக்கு ' சமுதாயத்தை காக்க முயலும் ' கவுரவ டாக்டர் பட்டமா?

வந்தாரை வாழ வைக்கும் தமிழகம் தெரியும் எனக்கு!

இகழ்ந்தாரை கௌரவிக்கும் தமிழகம் என்பதை இன்றுதான் தெரிந்தேன்!

எம்.ஜி.ஆர். பல்கலைக்கழகத்தின் இந்த முயற்சி பின்னாட்களில் என்ன விளைவுகள் ஏற்படுத்துமோ!

காத்திருப்போம்.

கிறுக்குத் தமிழனுக்கே சினிமா

2007-06-09T15:32:00.001+05:30

மக்கள் கிறுக்குத்தனமான சினிமா பார்த்து ஏமாறுகிறார்கள் என தனது எண்ணங்களை எல்லாம் கொட்டியிருந்தார் செல்லா அவர்கள்.

அவரது பதிவை படித்தவுடன் எனது நண்பர் ராஜா சொன்ன கதை நினைவுக்கு வந்தது. ' ஐந்து நண்பர்கள் இருக்கிறார்கள். அவர்களில் ஒருவன் மட்டும் பேசாமல் இருக்கிறான். மற்ற நால்வரும் பின்வருமாறு பேசிக்கொண்டிருக்கிறார்கள்.

'மாப்ள, தமிழ்நாட்டோட அடுத்த முதல்வர் யாருடா?

'இதுல என்னடா சந்தேகம்? அடுத்து கண்டிப்பா விஜயகாந்த் தாண்டா! அவரோட படங்கள் எல்லாமே அந்த மாதிரி தாண்டா இருந்தது' என்கிறான் ஒருவன்.

'நம்ம தலைவர் மட்டும் கொஞ்சம் தலைய அசைச்சார்னா அவர முதல்வர் ஆக்கிரலாம்' என்றான் ஒருவன். இன்னொருவனும் இதை ஆதரித்தான்.

பின்னர் இவர்களின் பேச்சு மெல்ல கிரிக்கெட் பக்கம் வருகிறது.

'என்ன மச்சான். நம்மாளுங்க வங்காள தேசத்துகூட தோத்துட்டானுங்க!' எனறான் ஒருவன்.

'ஆமாண்டா, இலங்கை கூடையும் கேவலாமா தோத்துட்டாங்க!' என்றான் ஒருவன்.

'மச்சான் இதுக்கெல்லாம் ஒரே வழி என்னன்னா, அந்த இந்தி படம் லக்கான்-ல இருந்தான்ல நாயகன். அவன கிரிக்கெட் அணில சேக்கனும்,' என்று இவ்வளவு நேரம் அமைதியாக இருந்தவன் சொன்னான்,

மற்ற நால்வரும் சிரித்துக்கொண்டே, ' உனக்கென்ன பைத்தியமா? அது சினிமா, இது நிஜ கிரிக்கெட்' என்றனர்.

இதையே சற்று மாற்றி,' உங்களுக்கு பைத்தியம் இல்லையா? சினிமாவுக்கும் அரசியலுக்கும் தொடர்பு செய்து பார்கிறீர்களே' என்றான்.

இது ஒரு நல்ல கதை.

:))

சிறுகதை கனவுகள்!

2007-05-23T15:26:00.001+05:30

எனது கண்களை இருள் தழுவிய நேரம். இந்த மயக்க முதலில் வந்தது எப்பொழுது என்று இதுவரை எனக்கு தெரியவும் இல்லை, அந்த மயக்கம் என்னை முழுமமயாக விழுங்குவது எப்பொழுது என நான் அறிந்ததுமில்லை! ஆனாலும் சுய நினைவுகள் அற்ற அந்த நிமிடங்கள் எனது உள்மனதின் ஒரு மூலையில் சேமிப்பாகிக் கொண்டுதானிருக்கிறது.

கண்கள் கனத்து உலகம் இருண்ட அந்த நேரத்தில் இரவு நேர புது கதிரவன் போல எனக்கு மட்டும் எனக்கே எனக்கு மட்டும் ஒரு வெளிச்சம் ஜனிக்கிறது. சற்றும் எதிர்பாராத வெளிச்சம். கண்ணை கூசச்செய்யும் வெளிச்சம். சட்டென வெளிச்சத்தின் புது உருவமாக ஒரு பெண் எழுந்து வருகிறாள். இதுவரை அவளை பார்த்ததில்லை. அவளது அழகை சொல்ல முடியவில்லை.

அலங்கரிக்கப்பட்ட அவளது விழிகள் என்னை பார்த்ததும் சில துளிகளை சிந்துகிறது. மலையிலிருந்து இறங்கிவரும் தண்ணீரை போல ஜீவ ஊற்றிலிருந்து வரும் கண்ணீர் அவளது சிவந்த கன்னத்தை தாண்டி இதழருகில் வந்து மோட்சம் அடைகிறது. அவள் கண்ணீர் துளிகளை துடித்தெறிகிறாள்.

அவள் விடும் கண்ணீர் என்னை சார்ந்ததோ எனறு ஒரு நிமிட எண்ணம் எனக்குள் உதயமாகும் அந்த நொடிப்பொழுதில் அவள் 'ஆமாம்' என்பது போல தலையசைக்கிறாள். இவள் இவ்வுலக பெண்தானா என்பதை உறிதிபடுத்த மேலிருந்து கீழாக ஒருமுறை அவளை பார்க்கிறேன்!

அவள் மேனியை அழங்கரித்த கழுத்தாரம் மட்டுமே எனக்கு தெரிகிறது! அதன் ஜொலிப்புதான் இவ்வளவு வெளிச்சம் என்பதை புரிந்துகொள்கிறேன். ஒரு நொடிப்பொழுதில் அவள் அந்த ஆரத்தை கழட்டி கையில் கொடுக்கிறாள்! அத்துடன் இல்லாமல் அவளது கண்கள் கோபக்கனலுடன் கண்ணீர் கொட்டுகிறது.

நான் வாங்க மறுக்கிறேன். கடைசிவரை வாங்க மறுத்துவிட்டேன். ஒரு நிமிட நேரத்தில் நடந்த அத்தனையும் கண்ணை விட்டு மறைந்துவிட்டன.

வழக்கம்போல விடியற்காலையில் அன்னை தேநீர் தம்ளருடன் என்னை எழுப்புகிறாள். வழக்கமாக அன்னையும் முகம் காணும் நான் கழுத்தை உற்று பார்க்கிறேன்! கனவுலகில் கண்ட ஆரம் அம்மாவின் கழுத்தில். புத்துணர்ச்சியுடன் அம்மா!

வேளியே சன்னலோரம் கனவில் கண்ட அந்த பேரொளியும் அந்த பெண்ணும் மறைந்த்துகொண்டிருந்தனர்.

சுஜாதாவும் குங்குமம் வார இதழும்!

2007-05-17T15:15:00.001+05:30

17.05.2007 தேதியிட்ட இந்த வார குங்குமம் இதழில் சுஜாதாவின் பதில்கள் எனும் பகுதியில் சுஜாதவிடம் கேட்கப்பட்ட கேள்விகளையும் அதன் பதில்களை பற்றியும் ஒரு சிறு விமர்சனமாக இந்த பதிவு.

பொதுவாக ஏதேனும் சொல்ல விரும்பும் செய்திகளை, எழுத்தாளர்கள் தெளிவாக சொல்லிவிட்டால் அவருக்கும் நல்லது, படிக்கும் வாசகர்களுக்கும் நல்லது. அப்படி இருந்தால்தான் அவரது கருத்துக்கள் மற்றவர்களள சென்றடையும். சுஜாதாவிடம் வருவோம்.

கேள்வி : ஆய்ந்து அறிந்து மற்றவர்களுக்கு எடுத்துச் சொல்லக்கூடியவர்கள் பெரும்பாலும் நாத்திகர்களாக இருந்திருக்கிறார்கள். நீங்கள் எப்படி?

சுஜாதா : பெரும்பாலும் என்கிறீர்கள். நீங்கள் எத்தனை ஆழ்ந்து அறிந்தவர்களை படித்திருக்கிறீர்க்ள்? நான் படித்த ஆ.அறிந்தவர்கள் எல்லாம் கடவுளை நம்புகிறவர்கள். ஐன்ஸ்டீன் உட்பட,...

சுஜாதா தன்னை மட்டுமே அறிவாளி என்றும் தான் மட்டுமே புத்தகம் படிக்கும் பழக்கம் உள்ளவர் என்று நினைத்து கொள்வார் போல, அதனால்தான் எத்தனை பேரை படித்திருக்கிறீர்கள் என கேட்கிறார்.சுஜாதா படிக்கும் புத்தகங்கள் அனைத்தும் நாமம் இட்டவர்கள் பற்றிய புத்தகங்கள் போல.

இந்த கேள்வியை கேட்ட வாசகரின் பேரிலும் ஒரு சிறு குற்றம் உள்ளது.அறிஞர்களை பற்றி கேட்டுவிட்டு தாங்கள் எப்படியென சுஜாதாவிடம் கேட்டுவிட்டார். அதனால் சுஜாதாவும் தத்துவங்களை உதிர்த்துவிட்டார் போலும்.

கேள்வி 2 : தான் செய்யும் எல்லா தவறுகளுக்கும் பின்னாளில் இறைவனிடத்தில் தண்டனை உண்டு என்று உணர்ந்தாலும் கூட, மனிதன் தொடர்ந்து தவறுகள் செய்கிறானே ஏன்?

சுஜாதா : இறைவன் மன்னிக்கும் குண்ம் உள்ளவன் . தண்டனையை ரத்து செய்துவிடுவான் என்ற நம்பிக்கையில்தான். 'தெரியேன் பாலகனாய் பல தீமைகல் செய்துவிட்டேன். அரியே வந்தடைந்தேன். அடியேனை ஆட்கொண்டு அருளே' என்று திருமங்கை ஆழ்வார் போல உருகி கேட்டால் மன்னித்து விடுவார் .

சுஜாதா என்ன சொல்ல நினைத்தார் என்பதையே இங்கு சொல்லாமல் விட்டுவிட்டார். தெளிவாக சொல்லவில்லையென்றாலும் தவறுகள் செய்துவிட்டு மன்னிப்பு பெற்றுக்கொள்ளலாம் என சூசகமாக சொல்கிறார் போல தெரிகிறது.

கேள்வி 3 : சிலரை பாரம் சுமப்பவராக வைத்து, சிலரை வசதியாக வைத்திருக்கும் கடவுள், கணக்கில் வீக் அல்லது பாரபட்சம்காட்டுகிறார். இதில் எது சரியான விடை?

சுஜாதா : சரியான விடை கடவுள் உங்களை இந்த கேள்வி கேட்கவைக்கிறார் என்பதே! ஏற்றத்தாழ்வே இல்லாத உலகத்தை நினத்துப்பாருங்கள். எல்லாருக்கும் எல்லாமும் எப்போதும் கிடத்துவிடும் என்றால் சரியாக அடுத்த திங்கட்கிழமைக்குள் போரடித்துவிடாதா?

இங்கு சுஜாதா மட்டுமில்லை பல எழுத்தாளர்கள் இது போல எழுதப்படித்திருக்கிறேன். வெற்றி என்னும் மலையில் இருந்து பார்த்தால் அதன் அருமையும் பெருமையும் தெரிவதில்லை. பள்ளத்தாக்கில் இருந்து பார்த்தால்தான் அதன் அருமை தெரியும் என்று எழுதுகிறார்கள்.

அவர்கள் பள்ளத்தாக்கின் பயங்கரம் தெரியாமல் எழுதுபவர்கள்.இந்தக் கேள்விக்கான பதிலை சுஜாதா எழுதுமுன் தன்னை சுற்றி ஒருமுறை பார்த்திருந்தால் இப்படி எழுதியிருக்க மாட்டாரோ என்னமோ! அல்லது வண்ண மீன்களால் அழகூட்டப்பட்டும் குளிருட்டபாட்டும் உள்ள அறைக்குள் இருந்தால் இதுபோலதான் எண்ணம் தோன்றுமோ என்னவோ?

இவர் இப்படி எழுதுவதன் மூலம் ஒரு பயனும் இல்லை. இதற்க்கு பதில் எதேனும் ஒரு நாவலை இந்த நேரத்தில் எழுதியிருந்தால் கதையுடன் கதையாக போயிருக்கும். இப்படி ஒரு பதிலை பத்திரிக்கை ஆசிரியர் தணிக்கைக்கு உட்படுத்த மாட்டாரா?

இதற்கெல்லாம் அடிப்படை என்னவென்றால் கடவுள் பெயரை சொல்லி மக்களின் அடிப்படை உரிமைகளையும் உடமைகளையும் பறிக்கும் எண்ணம்தான். இதற்கு பெயர் தான் ஏதோ பழத்தில் ஊசி ஏற்றுவது என்பது போல!

இதெல்லாம் உனக்கெதுக்கு என்று கேட்காதீர்கள். எட்டு ரூபாய் கொடுத்து ஏமாந்தவன் சொல்கிறேன்!

இது மனிதக்காதல் அல்ல!

2007-03-27T18:01:00.000+05:30

அந்த வெள்ளை ஜூலி நாய் குட்டி ரொம்ப அழகு। அதனால என்னாச்சுன்னா அதே ஏரியாவிலிருந்த டாமிக்கு மனசுக்குள்ள பட்டாம்பூச்சி பறக்க ஆரம்பிச்சிடுச்சு! டாமியும் சும்மா இல்லை! ரொம்ப ஆணழகன்னு சொல்ல முடியாதுன்னாலும் ஒரு மாதம் தெருவுல சுத்தாம இருந்தா அவனும் நல்ல அழகுன்னு ஒத்துக்கலாம்।

நம்ம ஜூலிய ஹீரோ ரூட்டு விட ஆரம்பிச்சிட்டாரு। ரொம்ப நாளா சைட்டு மட்டுமே அடிக்கிறாரு। ஜூலி வீடுன்னு ஆரம்பிச்சு அவ எங்க போனாலும் பின்னாடி சுத்த ஆரம்பிச்சிட்டாரு।

இந்த நாளத்தான் டாமி எதிர்பாத்திருக்காரு। அது ஜூலியோட பிறந்த நாள்। இன்னைக்கு தன்னோட காதல சொல்லனும்னு சீக்கிரமா குளிச்சு சொக்கா ட்ரெஸ் பண்ணி ரெடியாயிட்டாரு।

ஜூலிகிட்ட போயி கொஞ்ச நேரம் தனியா பேசனும்னு சொல்லி சாய்ந்தரம் பூங்காவுக்கு வர அனுமதி வாங்கியாச்சு!

ஜூலி தன்னோட பிறந்தநாள் கொண்டாட்டத்த முடிச்சிட்டு வர மணி ஆறு ஆயிடுச்சு. டாமி தன்னோட கோர்ட்-லிருந்து ஒரு ரோஜாப்பூவையும் வாழ்த்து அட்டையும் எடுத்து ஐ லவ் யூ-னு சொல்லியாச்சு।

ஆனால் ஜூலி இத ஏத்துக்கல! ரெண்டு பேருக்குள்ள வாக்குவாதம் வந்திடிச்சு! டாமி தன்னோட நிறை குறைகளை சொல்லி முடிக்கிறதுக்குள்ள ஜூலி அழுக ஆரம்பிச்சிடுச்சு! ஒரே கூட்டமா கூடிருச்சு!

இந்த நேரத்துல அந்த பக்கம் போன ஒருத்தர் கேட்டாரு। இங்க என்னப்பா பிரச்சனை? காதலா? வந்ததே பாருங்க டாமிக்கு கோபம்! ரொம்ப அழுதுகிட்டே டாமி சொல்லுச்சு,

மனிதர் உணர்ந்துகொள்ள இது மனிதக்காதல் அல்ல!

அல்ல!

அதையும் தாண்டி புனிதமானது!

புனிதமானது!

இதெல்லாம் உண்மையா?

2007-03-16T18:14:00.000+05:30

கவிதை முயற்சி ( ! )

2007-03-10T14:21:00.000+05:30

மக்களே! இன்னைக்கு உங்கள யாராலும் காப்பாத்த முடியாது! ஏன்னா இன்னிக்கு எனக்கு ஒரு வேலையும் இல்ல! உங்கள எல்லாத்தையும் பதிவு போட்டு கழுத்தறுக்குரதுதான் இன்னிக்கு எனக்கிருக்கிற ஒரே ஆறுதல். அதனால யாரும் அடம்பிடிக்காம அமைதியா உட்கார்ந்து என்னோட பதிவுகள படிங்க! யாரும் அடம்பிடிக்ககூடாது. யாரும் என்னைய திட்டக்கூடாது. யாருக்கும் ஏதாவது ஆச்சுனா என்னைய கேட்காதீங்க!

இதில முதல் காரியமா நான் எழுதின கவிதைய இங்க பதிகிறேன்.

1.
ஒவ்வொரு முறை
நீ அலங்காரம் செய்யும்போதும்
நினைத்துக்கொள்!
நான் பாவமென்று!

2.
எனக்கென யாரென்று
தேடினேன்,
உனக்காக நான் என
நீ சொல்ல,
புரிந்தது
தேடல் முடிந்ததென்று!

3.
உன்னை பற்றி எழுதித்
தீர்த்தாலாவது சுமை
குறையுமென பார்த்தால்,
என் காதல் அதுவும்
ஊற்றாகிவிடுமோ என்று
பயம்!

4.

என்னைபற்றி கவிதை
ஒன்று சொல் என
சொன்னவளே!
உனக்கும் கவிதைக்கும்
உள்ள வித்தியாசத்தை
முதலில் சொல்!

5.

என்னை எங்காவது
கூட்டிப்போ என்று
சொல்கிறாய்!
முதலில் என்மனதை
வெளியே விடு!

6.

பிரிவென்று ஒன்றுமில்லை
நமக்குள்
பிரிந்தோமென நினைக்கும்
வரையில்,
பிரித்துப் பார்க்காதே
பிறராய் தெரிவோம்
இருவரும்!

7.

பூட்டித்தான் வைத்திருந்தேன்
மனதை!
சத்தமில்லாமல் உள்ளே
வந்த நீ
ஏனடி நாளாபுறமும்
முட்டி மோதுகிறாய்?
காதலின் உறுதி
தெரியவா?

8.

உன்னை மறக்கிறேன் என்று
பொய்யாவது சொல்கிறேன்!
என்னை நிம்மதியாய் விடு!
இவன் மனதை இழந்தவன்
என்று சொல்லி உறக்கத்தை
திருப்பி கொடு!
பறந்த என்னை இனியாவது
நடக்கவிடு!
உன்னை மறக்க பொய்யாகவாவது
முயற்சிக்கிறேன்!

இது யாருடைய கவிதை?

2007-03-10T11:08:00.000+05:30

நான் எழுதத்தொடங்கும்போது
அவற்றின் சுவடுகள் அழிந்து
போயிருக்கும்
அவற்றின் சுவடுகளாய் என் எழுத்துக்கள்
இருக்கும்!

எழுதும் முன் எது என்னை
வதைத்ததோ
அது உங்களை வதைக்க
தொடங்கும்போது நான்
எழுதப்பட்டிருப்பேன்!

-------

இப்பொழுது கூட நீ என்னை
பிரிந்து சென்றதர்க்காக
வருந்தவில்லை!

போகும் முன் அதிக செல்லம்
கொடுத்து என்னை கெடுத்து விட்டாய்
என்பதுதான் என் வருத்தம்.

-------

மறக்காமல் அனுப்பி வை
உனது திருமண அழைப்பிதழை!
பரிசு விழுந்தது யாருக்கென
பார்த்துக்கொள்கிறேன்.

--------

திலகமிட்டு
வரவேற்றனர் பெண்கள்!

எதிரி நாட்டு பெண்களை
விதவைகளாக்கி வந்த
போர் வீரர்களை!

---------

பூனூல் அணிவது சாதி அடையாளம் தான்.

2007-03-07T14:26:00.000+05:30

தற்போது அடித்து ஆடிக்கொண்டிருக்கும் ஹரிஹரன் பூனூல் அணிவது சாதி அடையாளம் இல்லை. அனைத்து இந்து மக்களும் அணிந்து கொண்டு நன்றி செலுத்த வேண்டியது அவசியம் என்று விளக்கியுள்ளார்.

///பூணூலின் முதல் நூல் கயிறு: வேதம், உபநிடம், வாழ்வியல் நெறி, தருமங்களை உபதேசித்த பல்வேறு ரிஷி, முனிவர்கள், ஆசிரியர்களுக்குச் செலுத்தப்பட வேண்டிய நன்றியை மறக்காமல் நினைவு படுத்துவது. குருபரம்பரைக்கு ஒரு நபர் செலுத்தவேண்டிய நன்றியைக் குறிப்பது.

பூணூலின் இரண்டாம் நூல் கயிறு: தான் தோன்றக் காரணமான தனது முன்னோர்களை, வளர்த்து ஆளாக்கிய பெற்றோரையும் அவர்க்குச் செய்ய வேண்டிய நன்றிக்கடனையும் நினைவு படுத்துவது. குலப்பரம்பரைக்கு ஒரு நபர் செலுத்தவேண்டிய நன்றியைக் குறிப்பது.

பூணூலின் மூன்றாம் நூல் கயிறு: தான் வாழ உதவும் தேவதைகளான (இயற்கை) நீர், நிலம், காற்று,சூரியன், ஆகாயம், எனும் பஞ்சபூதமாகிய தேவதைகளுக்கு ஒரு நபர் செலுத்த வேண்டிய நன்றியை நினைவு படுத்துவது.///

இந்த மூன்று கயிற்றினையும் அணியாமல் ஒரு மனிதன் நன்றி செலுத்த முடியாதா? அந்த கயிற்றினை நீங்கள் ஆணிவதால் அந்த வளம் பாதுகாக்கப்பட்டுவிடுமா?

முதல் கயிற்றின் அடையாளம், வேதம், உப நிஷித்துக்கள் ஆகியவை தந்த ரிஷி, முனிவர்களுக்கு நன்றி செலுத்த என்று சொன்னார் ஹரிஹரன்.

அப்படி என்றால் சூத்திரன் வேதத்தை கேட்டால் காதில் ஈயத்தை காய்ச்சி ஊற்ற வேண்டும் என்றும் வேதத்தை ஓதினால் நாக்கை இழுத்து வைத்து அறுக்க வேண்டும் என்றும் ஏசப்பட்ட சூத்திரரும் இந்து மதம் தானே! இவர்கள் பூனூலை அணியலாமா? இல்லை இந்த முதல் கயிறை தவிர்த்து இரண்டு கயிறை மட்டும் திரித்து அணியலாமா?

தன்னை பெற்ற பெற்றோர்களை பாதுகாத்தால் போதவில்லையா இல்லை அன்பாக கவினித்தால் போதவில்லையா? இல்லை அவர்களை காப்பகத்தில் விட்டுவிட்டு பூனூலை அணிந்த்திருந்தால் மட்டும் நன்றி செலுத்திவிட முடியுமா? இல்லை இறந்தவர்களுக்காக நாம் நெஞ்சில் கயிறு போட்டிருப்பது அவர்களுக்கு தெரியுமா? அந்த கயிறு போட்டால்தான் என்ன? இல்லாமல் இருந்தால்தான் என்ன? இந்த இடத்தில் இரண்டாவது கயிறு அறுக்கப்படுமா?

மூன்றாவது கயிற்றின் காரணம் என்று அவர் கூறுவது சுற்றுப்புறத்தை பாதுகாக்க என்கிறார். பூனூல் அணிந்து கொண்டு இறுக மூடிய ஏ.சி அறைக்குள் இருக்கும் பார்ப்பனர்களுக்கு தெரியுமா? ஓசோன் படலம் பாதிக்கப்படுகிறது என்று? அப்படி இருப்பவர்கள் பூனூலின் இந்த மூன்றாவது கயிறையும் அகற்றிக்கொள்வார்களா?

பூனூல் அணிவது சாதியின் அடையாளம் இல்லையென்று கூறிய ஹரிஹரன், திருப்பதி ஏழுமலையானுக்கு பூனூல் அணிவித்த நிகழ்ச்சியை அறிந்திருப்பார் என நினைக்கிறேன். ஒன்றல்ல, இரண்டல்ல 51 லட்சம் மதிப்புள்ள வைர-தங்க பூனூல். இதை அங்கேயே அசையாமல் நின்று கொண்டிருக்கும் ஒரு சிலைக்கு அணிவித்து என்ன ஆகப்போகிறது? அதனை மக்களுக்கு கொடுக்கலாமே!

இந்த உலகத்தில் அனைத்தையும் படைத்ததாக கூறப்படும் இந்த கடவுள் பூனூல் அணிந்து யாருக்கு நன்றி செலுத்துகிறார் என தெரியவில்லை. இதன் மூலம் பூனூல் அணிவது சாதியை குறிக்க மட்டுமல்லாது வேரெதெற்க்கு என யாராலும் சொல்ல முடியுமா?

நன்றி.

நண்பர் ஹரிஹரனுக்கு பதில் கூறும் விதமாக,.

2007-03-05T12:07:00.000+05:30

நண்பர் ஹரிஹரனின் இந்த பதிவிற்க்கு பதில் சொல்லும் விதமாக இந்த பதிவை எழுத வேண்டிய கட்டாயமாகி விட்டது. ஆனால் பதிவிற்க்கு போகும் முன் ஹரிஹரன் இந்த பதிவை எழுத காரணம் என்ன என்று பார்த்தால் வேறொன்றுமில்லை! பார்ப்பான் சூத்திரன் ( மன்னிக்க) சண்டைதான்.

விடாது கருப்புவின் இந்த பதிவிற்க்கு கேட்க்காமலேயே விமர்சனம் செய்ய முயன்றிருக்கிறார் ஹரிஹரன். அதுவும் பதிவின் ஆரம்பத்திலேயே பெரியாரை வசை பாடி ஆரம்பித்துள்ளார். இதில் ஒன்றும் மட்டும் புரிகிறது. அய்யா பெரியாரை பார்ப்பனர்கள், பிழைப்புக்கு பயந்து அன்று ஏச ஆரம்பித்தவர்கள் இன்றும் நிறுத்தவில்லை என்று.

///தன்னால் சரியாகவும், முழுமையாகவும் விளங்கிக்கொள்ள முடியாத இந்துமதத்தை, கடவுள்களை ஒருவர் வெங்காயம், வெண்ணை, வெளக்கெண்ணெய் என்பதாகத் திட்டினால் விளங்கிக்கொள்ளாதவர் திட்டப்படவேண்டுமா விளங்கிக்கொள்ளப்படாதது திட்டப்படவேண்டுமா?///

இது பெரியாரை பற்றிய ஹரிஹரனின் எண்ணங்கள். இதற்க்கு என்னால் முயன்ற விளக்கம் தர முயற்சிக்கிறேன்.

இந்து மதத்தை சரியாக விளங்கிக்கொள்ளாதவர் பெரியார் என கூறியுள்ளார். இதோ இந்து மதத்தை பற்றி பெரியார் அறிந்ததை அவரது வாழ்க்கை குறிப்பிலிருந்து நான் படித்ததை இங்கே சொல்கிறேன்.

1.பெரியார் சிறுவயதில் படிக்கும் சமயத்தில், "தண்ணீர் தாகம் வந்தால் வாத்தியார் வீட்டில் மட்டும் வாங்கி பருகுமாறு அவரது அன்னை கூறுவார்களாம். அதன்படி பெரியார், வாத்தியார் வீட்டில் தண்ணீர் குடிக்க சென்றால் அங்கே நடப்பது கொடுமை.

வீட்டிலிருந்து வாத்தியாரின் மகள் வந்து மூலையில் வைக்கப்பட்ட தம்ளரில் தண்ணீர் ஊற்றி கீழே வத்து விடுமாம். இவர் அந்த கீழே வைக்கப்பட்ட தண்ணீரை எடுத்து குடிக்க வேண்டும். பின்னர் மீண்டும் அவர் தம்ளரை கீழே வைக்க வேண்டும். அந்த தம்ளரை அந்த பெண் நன்றாக கழுவி, மூன்று முறை தண்ணிர் தெளித்து மீண்டும் மூலையில் வைத்துவிட்டு போய்விடும். ஏனென்றால் அது தாழ்த்தப்பட்ட ஜாதிக்காக அவர்களால் பிரித்து வைக்கப்பட்ட தனி தம்ளர்.

(கவனிக்க):. தம்ளரை கையில் கொடுக்கவோ வாங்கவோ கூடாதாம். அப்படி தொட்டால் தீட்டாகிவிடுமாம்.

அதற்க்கு பின் அவர் வாத்தியாரின் வீட்டில் தண்ணீர் அருந்துவதை தவிர்த்துவிட்டார் என்பது வேறு விசயம்.

கடவுள் இல்லை என்று கூற அவர் சொன்ன வரிகளை பாருங்கள்! உண்மை புரியும்.

"கடவுள் ஒருவர் இருந்தால், அவர் நீதி மானாக இருந்தால், அனைத்தையும் காப்பவர் என்றால் , பின் எதற்க்கு ஜாதிப்பிரச்சனைகள், இத்தனை ஏற்றத்தாழ்வுகள். இத்தனையும் பார்த்த பின்புமா கடவுள் என்ற ஒருவர் இருக்கிறார் என்று நம்புகிறீர்கள்?"

கடவுள் நம்பிக்கை பற்றி நான் என்ன சொல்கிறேன் என்றால்,

இங்கே பதிவு எழுதும் சில எழுத்தாளர்களின் பெய்ர்களை மட்டும் நான் உபயோகிக்க விரும்புகிறேன். அவற்றில் சில.

1.ஹரிஹரன்,

2. நரசிம்ம ராகவன்,

3.கார்மேகராஜா,

4.மணிகண்டன்,

5.சுந்தர்,

இன்னும் எத்தனை பெயர்கள் வேண்டுமெல்லாம் எடுத்துக்கொள்ளாலாம். இங்கே நான் என்ன சொல்கிறேன் என்றால். மேல சொன்ன பெயர்கள் அனைத்தும் இந்து மதத்தின் கடவுள்கள். குறிப்பாக ஒரு மதத்தில் குடும்பத்திற்க்கு ஒன்று, அவ்வளவு ஏன் ஆளுக்கு ஒன்று சொல்லும் அளவுக்கு கடவுள்கள் இங்கே நிறைந்துள்ளார்கள்.

கடவுள்களின் பெயர்களை எழுத ஆரம்பித்தால் ஒரு ஆயுள் போதுமா என தெரியவில்லை. இதில் ஒரே கடவுள்களுக்கு பல அவதாரங்கள் வேறு.

நான் இதனை புரிந்து கொண்டதால் இவைகளிலிருந்து விலகி நிற்க்க முடிகிறது. இதற்க்கு காரனம் பெரியார். இதனைத்தான் அவர் அந்த நேரத்தில் மக்களிடம் சொல்லியுள்ளார்.

///அவரவர்க்கு இருக்கும் கான்ஷியஸ்னஸூக்கு ஏற்ப பல்நிலைப் படிமான தத்துவங்களடங்கியது சனாதன தர்மம்.சாதிநிலைப் பாகுபேதங்கள் சனாதனம் தந்த கொடை என்றெண்ணுவது சரியல்ல. 1200 ஆண்டுகள் அந்நியர் படையெடுப்பு, அரசு, அதிகாரத்தில் இருந்து இந்திய மண்ணில் உள்நுழைத்தது 60 ஆண்டுகள் சுதந்திரத்திலே எவ்வளவோ முன்னேறி சனாதன தருமம் தன்னை மீண்டும் இந்திய வாழ்வியலில் அதன் மெய்யான விதத்தில் நிறுவிக்கொண்டு வருகிறது.///

1.நீங்கள் சொலவதில், பல்நிலை படிமான தத்துவங்கள் அடங்கிய சனதான் தர்மம்தானே சாதியை பிரித்திருக்கிறது. இல்லையென்று உங்களால் கூற முடியுமா?

2. சனதான தர்மம் மெய்யான விதத்தில் நிருவிக்கொண்டு வருகிறது என்கிறீர்களே ஹரிஹரன், உங்களிடம் ஒரு கேள்வி!

என்றாவது நிங்கள் உங்களைவிட தாழ்த்தப்பட்ட சாதியினர் வீட்டில் சென்று உணவு அருந்தியதுண்டா? அல்லது அவர்கள் வீட்டில் தண்ணீரவது அருந்தியதுண்டா? அல்லது இவர் தாழ்ந்த சாதிக்காரர் என்று ஒருமுறையாவது நினைக்காமல் இருந்ததுண்டா? யோசித்து சொல்லுங்கள்.

மேலும் ஒரு விசயம். பதிவு எதப்பற்றி பேசப்படுகிறதோ அதைப்பற்றின பின்னூட்டங்கள் மட்டும் அனுமதிக்கவும்.

///கார்மேகராஜா போன்ற அரை டிக்கட்டுகள் இனிமேலாவது நல்ல புத்தி பெற்று மனிதனாக வாழ முயற்சிக்கலாம்.பாலா///

இதைப்போன்ற பின்னூட்டங்கள் மனதை புண்படுத்துகிறது.

நன்றி.

கார்மேகராஜா.

முதல் காதல் முதல் கவிதை

2007-02-23T13:00:00.000+05:30

ஆகஸ்ட் 18. அவளது முதல் பார்வை.

நினைத்து பார்க்கவில்லை-இந்நாள்
மறக்க முடியாமல் போகுமென
உன் முதல் பார்வை தீண்டலால்!

ஏதோ ஓர் சாலையில்- யாரோ
ஒருத்தியின் தோல் மேல் சாய்ந்து
என்னவள் நீ தேவதை- அசைந்து
வரும் அழகான தேர்.

முதல் பார்வையில் முழுதாய் ஆட்கொண்டு
நினைவை பறித்தவள்! நீ அணிந்த
கருப்பு நிறம் எனக்கு கடவுளாய்!

ஒரு விநாடி மின்னலாய் பறந்த
இன்பத்து பட்டாம்பூச்சி நீ!
உன்னை மீண்டும் தரிசிப்பது என்று?

காத்திருக்கிறேன் வருடங்கள் பலவாயினும்
உன் கண்களை தேடி! இந்த ஜென்மத்தில்
இல்லையென்றாலும் ஏழாம் ஜென்மத்திலாவது
எதிர்பட்டுவிடு, சேர்ந்திருப்போம்!

மீண்டும் ஒரு அறிமுகம் ( அறிந்த முகம்தான்)

2007-02-23T12:13:00.000+05:30

படத்தில் இருப்பது நாந்தாங்க! எப்படி இருக்கேன்! பயங்கரமா கருப்பா இருக்கேனா? இல்ல கருப்பா பயங்கரமா இருக்கேனா?

இவங்க ரெண்டு பேரும் நம்ம நண்பர்கள் சுகவனம் ( இடம்) , கருணாகரன்.

இவருதாங்க நிர்வாக அலுவலர் திரு.சுப்பிரமணியம்.

எல்லாரும் பாசக்கார பயக,..

கையில நோகியா N70 கிடைச்சது. அதான் கிளிக்கி தள்ளிட்டேன்.

தல(அஜித்) பொங்கல் வாழ்த்துக்கள்..

2007-01-12T17:58:00.000+05:30

நானும் அஜித் ரசிகன்தான். சொல்லப்போனால் அஜித் வெறியன்னு கூட சொல்லலாம். ஆனால் இதையேல்லாம் பதிவுல சொல்லி யாருக்கு என்னா ஆகப்போகுதுனு நினைச்சு அடக்கி வாசிச்சா நம்ம மு.கார்த்திக்கேயன் தலைய வச்சு எக்கச்சக்கமா பதிவு போட்டு பின்னி பெடலெடுத்துக்கிறாருனு கொஞ்ச நாளைக்கு முன்னாடிதான் தெரிஞ்சது.

இதுக்கு மேல நாம சும்மா இருந்தா எப்படி? சரக்கு இல்லாத நேரத்துல இத போட்டாவது நம்ம பேர காப்பாத்திக்கனும்ல அதான் இப்படி. இனிமேல் இப்படி அடிக்கடி பதிவு வந்தாலும் வரும். கண்டுக்காதீங்க!

சரி பதிவுக்கு போவோம்! ஸ்டார்ட் 1,2,3.

நடிகர் விஜய்கிட்ட நம்ம பத்திரிக்கை காரங்க ஒரு கேள்வி கேட்டாங்கலாம். அது என்னானா? அஜித் கிட்ட உங்களுக்கு பிடிச்ச விசயம் என்ன அப்படிங்கிறதுதான். அதுக்கு அவரோட தன்னம்பிக்கைதான் எனக்கு பிடிக்கும்னு சொல்லியிருக்கிறார். எனக்கும் அஜித்திடம் பிடிக்கிற முதல் காரணம் அதுதான்.

சினிமாவிற்கு வந்து சில காலங்களிலேயே மோசமான விபத்து மூலம் உடல் பாதித்தாலும் மனம் தளராமல் மீண்டு வந்தவர். அத்தோடு மட்டுமல்லாமல் கார் ரேசிலும் தொடர்ந்து பங்கேற்று இரண்டு பக்கமும் சரியாக செயல்பட்டவர்.

இந்த நிலையில் பல எதிர்ப்புகள் இருந்தும் காதலித்த நடிகை சாலினியை மணந்து உண்மையான காதலை யாராலும் அழிக்க முடியாது என காட்டியவர்.

நான்கு வருடங்கள் படம் ஏதும் ஓடவில்லை. கார் ரேசில் ஸ்பான்சர் இல்லாமல் நஷ்டம். தொழிலில் பலத்த அடி. இத்தனை இருந்தும் மனம் தளர்ச்சி இல்லாமல் மீண்டும் சினிமா உலகிற்கு தான் ஒரு அல்டிமேட் ஸ்டார் என நிருபித்தவர்.

இதற்கு சாட்சி வரலாறு படம் இரண்டே நாளில் பனிரெண்டு கோடி வசூல் ஆனதுதான். இதன் மூலம் தான் ஒரு king of opening என நிருபித்துள்ளார்.

சரி எல்லாம் போனது போகட்டும். இப்ப நடக்கறது மட்டும் பார்ப்போம். வர்ற பொங்களுக்கு தல படம் ஆழ்வார் வருது. தலைக்கு போட்டியா இன்னும் ஆறு படம் வருதாம். இதில் தலையின் ஆயுள்கால் சினிமா உலக போட்டியாளர் நடிகர் விஜயின் படம் போக்கிரியும் வருது.

போக்கிரியின் பாடல்கள் தலையின் ஆழ்வார் பாடல்களை விட அட்டகாசமா இருக்கு. இருந்தாலும் தல சொதப்ப மாட்டாறுங்கிற தைரியத்துல படத்த பொங்கலன்னிக்கு முதல் காட்சி பாக்கனும்னு ப்ளான் பன்னியிருக்கு.

தலை மேல பாரத்த போட்டு ஒரு கூட்டத்த கூட்டிட்டு தியேட்டர நோக்கி மாபெரும் படையெடுப்பு இருக்கு. தலயின் ஆழ்வார் நம்மல ஆழ்வாரான்னு தெரியல!

அதுக்கு முன்னாடி அனைவருக்கும் பொங்கல் நல் வாழ்த்துக்கள். தல ரசிகர்களுக்கு சிறப்பு தல பொங்கல் வாழ்த்துக்கள்.

நாசமா போவது எப்படி?-By சோதிடர் குமார்.

2006-12-29T15:37:00.000+05:30

தினசரி வாழ்வில் செய்யக்கூடாததும், செய்ய வேண்டியதும் என சோதிடர் குமார் என்ற ஒரு மூடனின் ரூபாய் பத்துக்கு விற்கப்படும் ஒரு புத்தகத்தை பார்க்க நேர்ந்தது.

இதோ அதில் உள்ள கருத்துக்கள் சில,

முன்னுரை;-

இந்நூலில் உள்ள அனைத்தும் இந்து மதத்தின் பொக்கிஷங்களான புராணங்கள், உபநிஷத்துக்கள், ஜோதிட நூல்கள் , நீதி நூல்கள் அவற்றிலிருந்து சேகரித்து கொடுக்கப்பட்டவையாகும்.

சில வரிகள்;-

1. ஒருவன் இறக்கும் தருணம் வந்துவிட்டால்.

இறக்கும் தருணம் வந்துவிட்டால் புண்ணிய தீர்த்ததில் நீராடி, பிராமணருக்கு தானம் செய்ய வேண்டும். மரணப் படுக்கையில் அவர் இருந்தால் அவருக்கு பதிலாக அவருடைய பிள்ளைகளோ, அவருக்கு கர்மம் செய்பவர்களோ செய்யலாம்.

ஒருவனுக்கு உயிர் பிரியும் தருவாயில் அவனை கட்டிலில் படுக்க வைக்க கூடாது. வீட்டிற்குள்ளும் படுக்க வைக்க கூடாது. தரையில் தார்ப்பாயை போட்டு படுக்க வைக்க வேண்டும். கட்டிலில் படுத்துக்கொண்டே உயிர் விட்டதால் பரிக்சிது ராஜா நரகத்தை அடைந்ததர்.

இறக்கம் முன் அவன் வலது காதில் ராமா, ராமா என ஓத வேண்டும்.

புண்ணிய சாலிகளுக்கு முக துவாரம் மூலமும், ஞானிகளுக்கு சிரசு வெடித்தும் பாவிகளுக்கு மலத்துவாரம் மூலமும் உயிர் பிரியும்.

2. இறந்தவன் கதி:

பூமிக்கும் எமலோகத்திற்க்கும் 86,000 காத தூரம் உள்ளது. எம தூதர்கள் மூவர் உயிரை காற்றாக்கி எமலோகம் சென்று எமராஜா முன் நிறுத்துவர். எமதர்மராஜா 'நன்று, நன்று. இவனை மீண்டும் அவன் வீட்டில் விடுங்கள். 12 வது நாள் கூட்டி வாருங்கள் என்பாராம்.

பின் உயிர் 3 நாள் நீரிலும், 3 நாள் தீயிலும், 3 நாள் வானிலும், ஒரு நாள் தன் வீட்டிலும் ஆவியாக வசிப்பான்.

3.கோவில் வழிபாடு

நிலை பெறுமாறு எண்ணுதியேல் நெஞ்சே நீ வா
நித்தலும் எம்பிரான் கோவில் புக்கு
புலர்வதன் முன் அலகிட்டு மெழுக்கும் இட்டுப்
புமாலை புனைந்தேத்திப் புகழ்ந்து பாடித்
தலையாரக் கும்பிட்டு கூத்தும் ஆடிச்
சங்கரா ஜய போற்றீ போற்றி என்றும்
அலைபுனல் சேர் செஞ்சடை எம் ஆதி என்றும்
ஆரூரா என்றென்றே அலரா நில்லே.

- அப்பர் பெருமான் தன் திருத்தாண்டகத்தில்.

அர்த்தம்.

இறைவன் சந்நதியில் பூஜை செய்யும் அர்ச்சகர்களை இறைவனாக பாவித்து அவர்கள் கையால் பிரசாதம் பெற்று பெருவாழ்வு வாழ்ந்ததேன மகிழ வேண்டும்.

உலகியல் வாழ்வில் நாம் எவ்வளவு பணம் பதிவியில் உயர்ந்து இருந்தாலும் அர்ச்சகர்காளை அவமதிது பேசக்கூடாது. அவர்களிடம் கோபப்படுவதும் அபச்சாரமே. முப்பொழுதும் திருமேனி தீண்டு வார்க்கு அடியேன் என்ற சுந்தரர் வாக்கு மறாகல் நடந்து கொள்ள வேண்டும்.

இத்தகைய வழிபாட்டை தினசரி நடத்த முடியவில்லை என்றாலும் வாரம் ஒருமுறை குடும்பத்துடன் வழிபட வேண்டும்.

4. இந்து தர்ம சாஸ்திரம் கூறும் அறிவுரைகள்.

ஜோதிடர், குரு, நோயாளி, கர்ப்பினி, மருத்துவர், சந்நியாசி ஆகியோரின் கடைசி காலங்களில் உதவது மிகவும் புண்ணியம்.

மனைவி, கணவன் அருகே அமர்ந்து உண்ணக்கூடாது. கணவன் உண்ட பின் மனைவி சாப்பிட வ்ஏண்டும்.

சாப்பிட்டவுடன் குடும்பஸ்தன் வெற்றிலை போட வேண்டும். சுண்ணாம்பு தடவாமல் வெற்றிலை மெல்ல கூடாது. சுண்ணாம்பு வெற்றிலையின் பின்னால் தடவ வேண்டும்.

மனைவி கணவனுக்கு வெற்றிலை மடித்து தரலாம். கணவன் மனைவிக்கு இதனன செய்யக்கூடாது.

குரு, சோதிடர், வைத்தியர், ஆலயம் இவாற்றிற்கு செல்லும்போது வெரும் கையுடன் செல்லக்கூடாது.

ஜோதிடர்களை எக்காரணம் கொண்டும் சோதித்து பார்க்கக்கூடாது.

வான்வில்லை பிறருக்கு காட்டக்கூடாது.

ரிஷி, குரு, ஜோதிடர், புரோகிதர், வைத்தியர் இவற்றின் நடத்தைகள் பற்றி ஆராயக்கூடாது. தவறுகளை விளம்பரப்படுத்தக்கூடாது.

---------------

இவ்வளவு போதும் நாமெல்லாம் உருப்பட.

சில்லறை மனிதர்கள்.

2006-12-28T16:22:00.000+05:30

மதுரை முனிச்சாலை அருகே 71 ரூபாய் சில்லறை காசுக்காக எழுபது வயது பிச்சைக்கார முதியவர் கொல்லப்பட்டுள்ளார்.

மதுரை முனிச்சாலை திருமண மண்டபம் முன்பு எழுபது வயது பிச்சைக்காரர் தங்குவது வழக்கம். நேற்றுமுன்தினம் (26.12.2006) இரவு தான் பிச்சை எடுத்த 71 ரூபாய் மதிப்புள்ள சில்லறை காசுகளை எண்ணிக்கொண்டிருந்தார்.

அந்த நேரத்தில் அவ்வழியே வந்த இருபது வயதான அம்மி குத்தும் தொழிலாளி முருகேசன் அந்த பெரியவரிடம் சில்லறை காசுகளை கேட்டு மிரட்டியுள்ளார். அதற்கு இணங்காத பெரியவரிடமிருந்து 71 ரூபாய் சில்லறை காசுகளை பிடிங்கியுள்ளான்.

அதனால் அந்த பெரியவர் கூச்சல் போட்டுள்ளார். ஆத்திரம் அடைந்த முருகேசன் அவரை தூக்கி அருகில் இருந்த சுவற்றில் அடித்து கொன்று விட்டான்.

சத்தம் கேட்டு வந்த பக்கத்திலிருந்தவர்கள் அவனை துரத்தி பிடித்து காவல்துறையிடம் ஒப்படைத்துள்ளனர்.

இவனுக்கு மேல் ஒரு சில்லறை மனிதன் இருக்க முடியுமா?

உயிர்= 71 ரூபாய் தானா?

சினிமாவில் பார்ப்பீனியம்.

2006-12-28T14:22:00.000+05:30

மிதக்கும் வெளி: மணிரத்னம் நீங்கள் கலைஞனா, திருடனா?

---------------

இந்த பதிவு என்னையும் அறியாமல் வந்தது.

மேற்கண்ட மிதக்கும் வெளியின் மணிரத்னத்தை பற்றிய பதிவை படித்து விட்டு இரண்டு ஜல்லி பின்னூட்டமும் போட்டுவிட்டு வெளியே வரும்போது இந்த லிங்க் ஞாபகம் வர மீண்டும் சென்று அவரது பதிவில் இந்த இணைப்பை இணைத்துவிட்டு சாதித்த முனைப்பில் காற்று வாங்க தமிழ்மணம் பக்கம் வந்தால் முகப்பில் என் எனது பெயரில் இந்த பதிவு.

என்னடா இது நான் எழுதாமல் என்னுடையதில் புது பதிவா என பயந்து பதிவை திறந்த பின் தான் மனது அமைதியானது.

சரி பதிவை கொஞ்சம் இழுத்துவிடலாம் என்று இதனையும் சேர்த்துவிட்டேன்.

பின்குறிப்பு:. தலைப்புக்கும் எனக்கும் சம்பந்தமில்லை. இந்த வம்புக்கு நான் வரலீங்கோ!

அனைவருக்கும் கல்வி ( பேச்சளவில் மட்டும் )

2006-12-18T15:10:00.000+05:30

பெற்றெடுத்தாள் தாய்,
நானும் வாழ்வேன் என்று,
கண்ணத்தில் மை பூசி
சில்லா கலெக்டர் என்றாள்!

அழகிய தமிழ் கூறினால்,
பள்ளிக்கூடம் போய் பாரென்று
சொல்லி அனுப்பி படிப்பேற்றினால்,
மதிய உணவுடன்!.

ஐந்து முடிப்பதற்குள் அரை உயிர் பறித்துவிட்டேன்,
அசலூரில் படி என அனுப்பிவைத்தாள்,
தமிழுடன் சேர்ந்தது மற்றுமொரு மொழி,
பட்ட பாட்டுக்கு பயனும் இருக்கவே!

பத்து முடித்தால் போதவில்லை தாய்க்கு,
பஸ்ஸேற்றி படிக்க வைத்தாள்,
படிக்கும் ஆர்வத்தினால் மட்டுமில்லை,
எனது வெறியின் வேகத்தால்,
கிடைத்தது நல்ல மதிப்பெண்!

அரசின் உதவி கிடைக்கும் எனக்கேட்டு,
அனுப்பியது சாதிச்சான்றின் நகல்தான்,
அரசு பெரிது ஆனால் எண்ணம் தான் சிறிது,
கிடைத்தது மூன்று நாளின் தேநீர் காசு,
ஊர் வந்து தாயிடம் சேர்ந்தேன்!

மேலும் படி என்று அவள் வார்த்தைகள்,
ஆசைதான் எனக்கும் ஆனால் அடங்கவில்லை,
அதற்கான விலை என் கைக்குள்,
மூன்று வருடம் நூல் நூத்து சேர்த்த காசு,
பக்க பலமாய் இருக்க!

மீண்டும் தொடங்கிய படிப்பு தொடர்,
மனதின் வேகம் படிப்பில் தெரிய,
பரீட்சையன்று வந்த தந்தி சொல்லியது,
உனது தாய் தவறி விட்டாளென்று,
இதற்குமேல் செய்ய ஒன்றுமில்லை
அழுவது அல்லது இறப்பதை தவிர!

சிவாஜி பஞ்ச் வசனங்கள்?

2006-12-13T17:20:00.000+05:30

எடுக்குறாங்க, எடுக்குறாங்க இன்னும் எடுத்துட்டே இருக்காங்க!

என்னத்த நம்ம தலிவர் ரஜினிகாந்த்தோட சிவாஜி படத்ததான். ஏற்கனவே ரஜினி னா பிரம்மாண்டம், கூடவே இயக்குனர் சங்கரும் சேர்ந்திட்டதுனால ப்டம் வெளிவர்றதுக்குள்ள நம்ம மண்டை காய வச்சிடுவாங்க!

ஸ்டைலுனு வந்துட்டா தலைவர அடிச்சிக்க ஆளே இல்லைன்னு தெரியும்.

ஆனால் இப்ப அத விட பஞ்ச் டயலாக் தான் ரொம்ப முக்கியமா தமிழ் படங்கள்ல தெரியுது.

அதனால சிவாஜி படத்தோட பஞ்ச் வசனங்கள் எப்படி இருக்கும்?

இதோ சில வதந்திகள்.

1. கண்ணா சிங்கத்த கொஞ்ச முடியாது.
சிவாஜியை மிஞ்ச முடியாது.

2. நான் நல்லவனுக்கு சாமி,
கெட்டவனுக்கு சுனாமி!

3. போன் அடிச்சா ரிங்கு,
சிவாஜி அடிச்சா சங்கு.

4. சிதம்பரம் போட்டா பட்ஜெட்டு,
சிவாஜி போட்டா ஆல் அவுட்டு!

கண்ணா இது எப்படி இருக்கு? வரட்டா?

ஒரு ஜோக்கு கேளுங்க!

2006-12-13T12:32:00.000+05:30

இதுவும் ஒரு எஸ்.எம்.எஸ் ஜோக்தான்.

கேளுங்க.

மூன்று எறும்புகள் ஒரு நீச்சல் குளத்துல குளிச்சிட்டு இருந்திருக்குங்க!

அந்த நேரத்தில அந்த பக்கம் வந்த யானைக்கும் குளிக்கனும்னு ஆசை வந்து தொப்புனு தண்ணிக்குள்ள குதிச்சிருச்சு.

அதனால ரெண்டு எறும்பு குளத்த விட்டு வெளிய போய் விழிந்திடுச்சு.
ஆனால் இன்னொரு எறும்பு யானைய்யொட தலைமேல போய் உட்காந்திருச்சு.

அப்ப அந்த எறும்பு கேட்டுச்சாம். மாப்ள இந்த யானையை அப்படியே தண்ணிக்குள்ள அமுக்கி கொன்றட்டா?

---

எமன்:- போன மாதம் டெங்கு காய்ச்சல் விட்டேன். 400 பேர் அவுட். இந்த மாதம் சிக்குன் குனியா விட்டேன், 1000 பேர் அவுட். அடுத்த மாதம் என்ன பண்ணலாம்?

சித்திரகுப்தன்;- பிரபு! அடுத்த மாதம் நீங்கள் ஒன்றும் செய்ய தேவையில்லை. வீராசாமி படம் அடுத்த மாதம் ரிலீசாம். நமது பணியை டி.ராஜேந்திரன் பார்த்துகொள்வார். மொத்த தமிழ்நாடே அவுட்.

எப்படி இருந்த நாங்க, இப்படி ஆயிட்டோம்.(கிரிக்கெட்)

2006-12-01T18:40:00.000+05:30

எப்படி இருந்த நாங்க

இப்படி ஆயிட்டோம்.

கேப்டன்னா இதுதானா?

தலிவரே நீங்க கூடவா?

டி-சர்ட் வசனம்.

2006-12-01T16:29:00.000+05:30

விதவிதமான டி-சர்ட் பார்த்திருக்கிறேன். கலர் கலராகவும், நடிகர்களின் படங்களுடனும் அவ்வளவு ஏன், மல்யுத்த வீரர்களின் படத்துடன் கூடியவற்றை கூட பார்த்திருக்கிறேன்.

ஆனால் சமீபத்தில் ஒரு கல்லூரி மாணவன் அணிந்திருந்த டி-சர்ட் பார்த்தவுடன் சிரிப்பு பீறிட்டு வந்தது.

டி-சர்ட் அமைப்பு ஒன்றும் விசித்திரமில்லை. அதன் வாசகம்தான் விசித்திரம்.

அந்த வசனம் என்னன்னா?

உலகத்தில் உள்ள 100% பெண்களில் 99% பெண்கள் அழகானவர்கள்.
மீதமுள்ள 1% பெண்கள் எனது கல்லூரி பெண்கள்.

பசங்க ரொம்ப முன்னேறிட்டானுங்க!

ஒரு நண்பரின் கதை (அனுமதியுடன்).

2006-11-24T19:49:00.000+05:30

அடா.. அடா! வெள்ளிக்கிழமை! மங்களகரமான நாளே. இன்னிக்கு இன்னொரு பதிவையும் போட்டருலாமேன்னு கணினி பகவான் முன்னாடி உட்கார்ந்தா, ஒன்னுமே மண்டையில வரலை. காரணம் வெள்ளிபூஜையை முடிச்சிட்டு, பொறி, கடலை, பழங்கள் எல்லாம் உள்ள போனதால மந்தனு தோனுச்சு.

ஆனாலும் இன்னிக்கு விட்டா ரெண்டு நாளைக்கு விட்டுப்போயிருமேன்னு கண்டிப்பா பதிவு போட்டாகனும்ல. ஏன்னா நாளைக்கு சனிக்கிழமை. அது மட்டும் இல்லாம நாளை மாதத்தின் கடைசி சனி. அதனால இங்க காலையிலிருந்து சாய்ந்தரம் வரை கரண்ட் இருக்காது.

சரி விட்டுத்தல்லுனு நண்பர்ட்ட ஏதாவது கதை கவிதை இருக்கான்னு கேட்டேன்.

அதுக்கு அவர் சொல்ல ஆரம்பித்தார்.

அட போப்பா! நீ வேற , நான் இப்ப கவிதை எழுதுற நிலையிலயா இருக்கேன்!
அதெல்லாம் கல்யாணத்துக்கு முன்னாடி எழுதிருக்கேன். இப்பவெல்லாம் முடியல.என்னைக்கு வீட்டுக்கு வந்தாலோ அன்னையிலிருந்து நான் பட்ற பாடு சொல்லி மாளாது.

வேணும்னா நான் கல்யாணத்துக்கு மூன்னாடி செய்த ரவுசு சொல்றேன்.

படிக்கும்போது ஒரு பொண்ண காதலிச்சேன். அவளும் என்னை காதலிச்சா!

ரெண்டு வருசம் இப்படி இருந்தது. படிப்பு முடிச்சு போகும்போது அவள் சொன்னா பாரு ஒன்னு.

பள்ளி படிப்பு முடிந்தாலும்,
நாம் இருவரும் பிரிந்தாலும்
காலேஜ் போய் சேர்ந்தாலும்,
திருமணம் எனக்கு நடந்தாலும்,
நான் வெளிநாடு போனாலும்,
என் குழந்தைக்கு உன் பெயர்
சூட மறக்க மாட்டேன்.

சரி அதுக்கு நான் என்ன சொன்னேன் தெரியுமா?

உலகம் ஒரு உருண்டை,
நீயும் நானும் திருப்பி சந்திப்போம்.

னு ஹீரோ மாதிரி சொல்லிட்டேன். இதுக்கிடையில பிழைப்ப தேடி பல ஊரு மாறிட்டேன். கல்யாண பேச்சும் ஆரம்பிச்சாங்க.

பொண்ணு அந்த ஊருன்னு சொன்னதும் ஒரு மாதிரி ஆயிடிச்சு. பொண்ண போயி பாத்தா, அவளோட அக்கா.

ஆள விடுங்கடா சாமின்னு அந்த பக்கம் தலைய வச்சு படுக்கலை. இதெல்லாம் வீட்டுல சொல்லி இந்த கல்யாணம் வேண்டாம்னு சொன்னேன்.

இவ்வளவு தானான்னு எங்க வீட்டுல சொல்லி தங்கச்சியை (காதலியை) பேசி முடிச்சிட்டாங்க.

அவளும் எப்படியோ ஒத்துக்கிட்டா. கல்யாணம் முடிஞ்சு மூனு வருசம் ஆச்சு.

இப்போ எங்களுக்கு ஒரு பையன் இருக்கான். சரி மணி எட்டாகுது. நான் இன்னிக்கு படத்துக்கு போரேன்னு சொல்லிட்டு கிளம்பிட்டார்.

வெள்ளி பதிவு முடிந்தது. அடுத்தென்ன திங்கட்கிழமைதான்.

கடிப்பது எப்படி?

2006-11-24T11:42:00.000+05:30

கடந்த ஒரு வாரமாவே தமிழ்மணத்துல எப்படி? ங்கிற பதிவை மட்டுமே அதிகமா பார்க்க முடிந்தது. ஆளாலுக்கு முடிந்தவரை எப்படியெல்லாமோ 'எப்படி' களை போட்டு ஆசையை தீர்த்திருந்தாங்க.

அதுல குறிப்பா டோண்டு அவர்கள் போட்டிருந்த சிக்கன் 65 தயாரிப்பது எப்படி ன்க்ற பதிவுல கொஞ்சம் ஓவராவே கடிச்சிருந்தார். அதுக்கு மேல ரவி ஜால்ரா அடிப்பது எப்படி னு படத்தோட பதிவ போட்டு பின்னூட்டங்களை அள்ளி கலக்கியிருந்தார்.

சரி உடுங்கனு லக்கிலுக் சொல்லி முடிக்க பார்த்தாலும் யாரும் உடுரதா இல்லை. இத்தனை பேர் போட்டது பத்தாதுன்னு என்னையும் ஒரு எப்படி போடுன்னு ரவி அண்ணன் ஒரு பத்திரிக்கை வச்சு கூப்பிட்டுட்டார்.

சரி நம்ம எப்படி ஒரு எப்படி போடலாம்னு எப்படி எப்படியோ யொசிச்சேன். அப்படி ஒன்னும் நம்ம மூளைக்கு வரல. சரி அதனால என்ன பண்ணாலாம்னு மல்லாக்க படுத்து இப்படி யோசிக்கால நம்ம விட்டு போன s.m.s. கடிகளை திருப்பி போட்டு தலைப்பை மாட்டும் எப்படி னு வச்சிடலாம்னு தோனுச்சு.

படிச்சிட்டு எப்படி இருக்குனு மறக்காம சொல்லுங்க.

-----------------------------------------

அவன்: ''அந்த கோவிலில ஏன் யாரும் இரவில் தூங்க மாட்டேங்கறாங்க?

இவன்:அந்த கோவில் யானைக்கு தூக்கத்தில் நடக்குற வியாதியாம்.

-----------------------------------

அவன்: கலக்குற மாதிரி ஒரு ஜோக் சொல்லுங்க.

இவன்: கரண்டி.

-----------------------------------

அப்பா: ஏண்டா பேப்பர்ல ரிசல்ட் வந்திருச்சு. உன் பேரு அதில் இல்லயே!

மகன்: நமக்கு இந்த விளம்பரம் எல்லாம் பிடிக்காதுப்பா!

----------------------------------

மகன்: கடவுளே! ஜப்பானை இந்தியாவோட தலைநகரமா மாத்திடு.

அப்பா: ஏண்டா?

மகன்: நான் பரிட்சையில அப்படி தான் எழுதிருக்கேன்.

----------------------------------

this is a crime story.

five friends lived in a room, namely 1. MAD, 2. BRAIN, 3.FOOL, 4.SOMEBODY, 5.NOBODY.

One day somebody killed nobody.
that time brain was in the bathroom.
Mad called Police.

Mad : is it police station?
Police : Yes what is the matter?
Mad : Somebody killed nobody.
Police : are you Mad?
Mad ; Yes I am Mad.
Police : Don't you have Brain?
Mad : Brain is in bathroom.
Police : are you fool?
Mad : No. Fool is reading message.

--------------------------------

Teacher: Write a note about Ghandhi Jayanthi.

Sardar: Gandhi was a great man but i dont know who is jayanthi.

-------------------------------

Doctor : U know there are around 206 bones in our body.

Sardar: Please say it softly doctor. my dog is standing outside.

-------------------------------

how do you translate the MAJOR GENERAL into a tamil word?

vayathukku vantha poduvaanavar.

------------------------------

Aeroplane asked rocket. eppadi mamu nee matum ivlo fasta pora?

rocket: poda vennai. unakkum pinnadi pathavacha theriyum.

-----------------------------

Railway minister Laloo has introduces new train from Mysore to Pakistan. what is the name of the train?

ans: MYSOREPAK.

----------------------------

In chenai airport.

Man1: naan adicha nee americavula poi viluvada!

man2: naan adicha nee africavula poi viluvada.

sardar: ennai yaaravathu medhuva adinga naan bangalore pooganum.

------------------------------

crorepati Amithab: In which state cauvery flows?

sardar: Liqiud state.

audience clapped.

amitab stunned & looks behind.

all were sardars.

------------------------------

sardar went to Bangalore by Train.

when it reached bangalore. he started shouting BANGALORE, BANGALORE.

TTR. 'Be silent'

Sardar; ok. then 'ANGALORE'

------------------------------

If a computer engineer produces a film. how he names it?

7Gb hard disk colony.

enakku 20GB, unakku 18 GB.

Pudhukkotaiyilirunthu virus.

-------------------------------

s.m.s. ல் வந்த ஜோக்குகள்.

2006-11-22T15:05:00.000+05:30

அப்பப்பா! சும்மா எஸ்.எம்.எஸ். ல் வந்த ஒரு மெஸ்ஸேஜ கொஞ்சம் திரிச்சு (முன்ன பின்ன யோசிக்காம தான்) காமெடியா ஒரு பதிவு போடலாம்னு பார்த்தா. என்னா ஒரு விபரீதம்.

என்னோட வாத்தியார் கூட இப்படி என்னை கேள்வி கேட்டதில்லைங்க.

முதல்ல லக்கி அண்ணன் கொஞ்சம் அட்வைஸ் பண்ணினாரு அத்தோட நிக்காம பின்னாலயே அரசியலையும் உள்ள இழுத்திட்டாரு.

சரி இவர்தான் அப்படின்னு பார்த்தா நம்ம பங்காளி எம்மேல கொலை வெறியோட இருந்திருக்கிறாரு. நல்ல வேளை அவர் கண்ணுல நான் மாட்டல.

இவுங்கள்ளாம் இப்படின்னா மாயவரத்தான் உணர்ச்சியாக கவிதையை விட்டுட்டாரு.

இதுல நம்மல கொஞ்சம் தேத்துனது நம்ம 'உங்கள் நண்பன்' தாங்க. தலைப்பை மாத்தும்படி அறிவுருத்தினார். ரொம்ப நன்றி நண்பா னு சொல்லி முதல்ல அத செய்தேன்.

சரி மறப்போம் மன்னிப்போம் னு இருங்க. நான் அடுத்த பதிவிற்கு ( பிரச்சினை இல்லைங்க) ரெடியாகிட்டேன்.

இதுவும் s.m.s. jokes தானுங்க.

சைட் அடி ஆனால் காதலிக்காத,
காதலி ஆனால் வாழ்வை தவறவிடாத,
வருத்தப்படு ஆனால் எதிகாலத்தை வீணடிக்காத,
யோசி ஆனால் நேரத்தை வீணாகாதே.
உனக்கு அதெல்லாம் வேணாம்.
ஒழுங்கா சாப்பிட்டு தூங்கு.

-------------------------------------------

AUSTRALIA WON THE TOSS & SELECTED TO BAT FIRST.

AUS 356 & WEST INDIES 298 ALL OUT.

AUSTRALIA WON THE MATCH.

MAN OF THE MATCH : PONTING.

மேட்டர் அது இல்ல. டாஸ் போட்ட ஒத்த ரூபாய காணோமாம்.

நீ எடுத்தா குடுத்துரு.

--------------------------------------

948 கோடியே
61 லட்சத்து,
40 ஆயிரத்து
100 ரூபாய்.

இது என்னோட வங்கி இருப்புனு சொன்ன நம்பவா போரீங்க? இது என்னோட செல் நம்பர்.

--------------------------------------

கொக்கரக்கோ கும்மாங்கோ!

ஊசி போட நர்ஸ் வேணும்,
காசு போட பர்சஸ் வேனும்,
காபி போட சுகர் வேணும்,
கடலை போட ஃபிகர் வேணும்,
எஸ்.எம்.எஸ் அனுப்ப மனசு வேனும்,
அத படிக்க லூசு வேணும்.

கொக்கரக்கோ கும்மாங்கோ!

--------------------------------------

80 வயசுல மாரடைப்பு வரும்.
எமன் சிரிச்சால்.
20 வயசுல மாரடைப்பு வரும்.
உமன் சிரிச்சால்.

-------------------------------------

நீ செய்த பாவங்கள் விலக இந்த மந்திரத்தை 108 முறை தினமும் சொல்லு.

' கார்மேகராஜா" ரொம்ப நல்லவன்.

இதில் உன்பேரு போட்டு நாலு பேருக்கு அனுப்பி மேலும் பாவங்கள் செய்யாத.

-------------------------------------

இன்னும் ரொம்ப இருக்கு. அப்பப்ப அனுப்புறேன்.

ஜாக்கி ஜானுக்கு ஆபத்து.

2006-11-21T15:25:00.000+05:30

FLASH NEWS:

பிரபல ஹாலிவுட் நடிகர் ஜாக்கி ஜான் நேற்று நள்ளிரவு மாரடைப்பால் அவதிப்பட்டார்.
உடனிருந்த மற்றுமொரு ஹாலிவுட் நடிகர் அர்னால்டும் மிகவும் மோசமான நிலையில் மருத்துவமனையில் அனுமதிக்கப்பட்டுள்ளார்.

விரிவான செய்திகள்:

20.11.2006 நள்ளிரவு 12.30 மணிக்கு திருப்பூர் தமிழ்நாடு தியேட்டர் அருகே மிகவும் பரபரப்பாக இருந்தது. காரணம் பிரபல ஹாலிவுட் நடிகர் ஜாக்கி ஜானும் மற்றுமொரு நடிகரும் அமெரிக்க அரசியல் பிரமுகரான அர்னால்டும் அந்த தியேட்டரில் இரவுக்காட்சி பார்த்து விட்டு வெளியே வரும்போது ஜாக்கி ஜான் மாரைடைப்பால் அவதிப்பட்டுள்ளார்..

மேலும் அர்னால்டும் அவசர நிலையில் அரசு மருத்துவமனையில் சேர்க்கப்பட்டுள்ளார். இந்த செய்தி மக்களிடையே பெரும் பரபரப்பை ஏற்படுத்தியுள்ளது.

இதற்கு காரணம் அந்த தியேட்டரில் திரயிடப்பட்டுள்ள கேப்டன் விஜயகாந்தின் தர்மபுரி படத்தை இருவரும் பார்த்ததுதான் என உடனிருந்த பாப் பாடகர் மைக்கல் ஜாக்சன் தெரிவித்துள்ளார்.

இதனை விசாரிக்க மூன்று பேர் அடங்கிய விசாரனைக்குழு அமெரிக்காவிலிருந்து நடந்து வந்து கொண்டிருக்கிறது.

இதற்கு கருத்து தெரிவித்த முதலமைச்சர் கூறியதாவது. ' இது எதிர்கட்சி காரர்களின் திட்டமிட்ட சதி' என்று கூறியுள்ளார்.

இதனை பற்றி எதிர்கட்சி இன்னும் வாய் திறக்காதது குறிப்பிடத்தக்கது.

நண்பனின் கவிதை

2006-11-21T15:03:00.000+05:30

கன்னியாக நீ இருந்தால்...
கவனமாக நான் இருப்பேன்.
நீ கல்யாணம் முடித்தாய்...
நான் கண்ணீர் வடித்தேன்.
நீ தாயாக ஆனாய்...
நான் தாடி வளர்த்தேன்.
நீ பேத்தி எடுத்தாய்...
நான் பேயாக அலைந்தேன்.
மொத்தத்தில் நீ ஜாலி...
நான் காலி.

கண்கள் பலவிதம்

2006-11-18T20:04:00.000+05:30

என்னங்க இது உங்களோட கண் மாதிரி இருக்கா?

கோபப்பட்டா இப்படிதாங்க மூக்கு மிளகா பழம் மாதிரி சிவந்திடும்.

அட்டா ரொம்ப உள்ள போயிடிச்சே!

கண்ண திறக்கனும் சாமி!

கோபப் படாதீங்க!

புலிகேசியா?........அய்யோ நான் இல்லை!

2006-11-16T15:23:00.000+05:30

எங்கே போனாலும் இந்த மன்னர்களின் தொல்லை விலக மட்டேங்கது.

மன்னர்கள் என்னதான் கெட்டவர்களாக இருந்தாலும் நமக்கு அவங்க ரொம்ப நல்லவங்களாத்தான் தெரியுறமாறி பன்னிட்டு போயிட்டாங்க.

அவுங்கள சொல்லி என்ன பண்ன? நாட்ட காப்பாத்துறேன்னு போர்தான் பண்ண முடியும்னு நெனச்சா அதுக்கு மேல என்னைக்கும் அழியாத கோவில்கள், கலைகள், நூல்கள்னு எக்கச்சக்கமா வளர்த்திவிட்டுட்டு போயிட்டாங்க.

அப்புறம் என்ன பன்ன? அதுக்கடுத்து வர்ர எல்லா எழுத்தாளர்களும் அவங்கள தூக்கி வச்சே எழுத பேச ஆரம்பிச்சுட்டாங்க.

அவர்களால என்னோட படிப்பு காலம் குறிப்பா ஆறாவதிலிருந்து பத்தாவது வரை பெரிய சோகமான வரலாறாகவே ஆயிட்டது.

சரி அத விட்டுட்டு இங்க வருவோம். எத்தனையோ ராஜாக்கள் குறிப்பா ' பாண்டியர்கள், சோழர்கள், சேரர்கள், பால்லவர்கள்னு எத்தனையோ பேர மனசுல வச்சிருந்தாலும் இப்போ இன்னொரு மன்னர் வந்து ரொம்ப பாடா படுத்துறார்.

அட அவர்தாங்க புலிகேசி குல மன்னர்.

சிவகாமியின் சபதத்திலதான் அவரோட அட்டூழியம் தாங்கலேனு தியேட்டர் பக்கம் போனா அங்க வானம் பார்த்த மீசையோட அதவிட பெரிய அட்டூழியம்.
அட வெளிய வந்தா போஸ்டரில 'இந்த நூற்றாண்டின் முதல் வரலாற்று திரைப்படம்' னு இன்னுரு வரலாற்ற என் மேல தினிக்க பார்க்க, ஆள விடுங்கடா சாமின்னு வந்து கணினி பகவான் முன்னாடி உட்கார்ந்தா,

அப்பப்பா... இங்க அடுத்த இம்சை, அதாங்க 24 ஆம் புலிகேசின்னு ஒரு மாமாமாமா மன்னர் இருக்கராரு.

அப்பா சாமி இதுக்கு மேல என்னால முடியாதுன்னு கம்பூட்டரை முறையா அமத்தாம நேரா யு.பி.எஸ்ஸ ஒரு அமுத்து அமுத்திட்டு அமைதியா உட்கார்ந்தா அடிச்சது மணிசத்தம் செல்பேசில...

என்னடா இது இந்த நேரத்துல செய்தினு ஓபன் பண்ணினா, ஏக கடுப்பு. அப்படி என்ன செய்தின்னு கேட்கிறீங்களா?

இதுதாங்க அது.

அமைச்சர் ; மன்னா! ஆபத்து. பக்கத்து நாட்டு மன்னர் நம் நாட்டு மீது படையெடுத்து வருகிறாராம். போருக்கு தயாராகும்படி சொல்லி ஓலை அனுப்பியுள்ளார்ர்.

புலிகேசி மன்னன்; அப்படியா! ஒன்று பன்னும். ஓலை செண்டிங் (sending) பெயில்டு னு திருப்பி ஓலை அனுப்பும்.
-------------------

இப்படி போட்டு ஒரு குழந்தையை படுத்துனாங்கனா நான் என்ன செய்ய? சொல்லுங்க.

சிகரெட்டும் என் வாழ்வும்

2006-11-15T13:02:00.000+05:30

பற்ற வைத்தேன் வாயில் ஸ்டைலாக
இழுத்தேன் ஊள்ளே இதமாக
தடவினேன் தாடியை மெதுவாக
எடுத்தேன் விரல்களின் நடுவாக
புகை தள்ளினேன் மூக்கின் வழியாக
கீழே போட்டு மிதித்தேன் புழுவாக
இதைசெய்தேன் பத்து வருடமாக
இதுவே அமைந்த்து எமனாக
வீட்டில் அனைவரும் அழுதாக.!

மீண்டுவிட்டார் கங்குலி

2006-11-07T14:22:00.000+05:30

கவுகாத்தியில் நடக்கும் வடக்கு மண்டல அணிக்கு எதிரான துலிப் ட்ராபி டெஸ்ட் கிரிக்கெட் தொடரில் கிழக்கு மண்டல அணி கேப்டன் சவுரவ் கங்குலி (நம்ம தலதாங்க) சதம் அடித்து கலக்கியுள்ளார்.

12 பவுண்டரி , 3 சிக்ஸர்கள் உட்பட மொத்தம் 118 ரன்கள் குவித்து அவுட்டாகாமல் உள்ளாராம்.

இந்த செய்தி குறிப்பாக லொடுக்குவிற்கு.

கங்குலியும் ஜோக்குகளும்

2006-11-04T15:30:00.000+05:30

கங்குலி ஒரு காலத்தில் (!) நன்றாக ஆடியிருக்கிறார். அதை நான் சிறு வயதில் பார்த்திருக்கிறேன். அப்பொழுது கங்குலி எனது கண்களுக்கு மட்டுமே வான வேடிக்கை காட்டினார். ஆனால் இப்பொழுது அவரை பற்றிய நகைச்சுவைகள் எனக்கு மிகவும் சந்தோஷம் அளிக்கின்றது.

----------------------------------------------------------

1. கங்குலி ரஜினியின் பஞ்ச் வசனங்கள் பேசினால்.

' பவுலர் பந்து வீசுறான், கங்குலி கேட்ச் கொடுக்கிறான்'.

' என் சுழி தனி சுழி '

' கதம் கதம், அவுட்டானது ஆகிப் போச்சு'.

'நான் எப்ப வருவேன், எப்படி அவுட்டாவேன்னு எனக்கே தெரியாது. ஆனா எப்படியும் வந்தவுடன் கரெக்ட்டா அவுட் ஆயிடுவேன்.'

'கங்குலி கவுண்டிங் ஸ்டார்ட்:- 10 , 9 , 8, 7,
கங்குலி:- அய்யோ அப்படி இல்லீங்க. 3,2,1, அவுட். இப்படி சொல்லுங்க.'

---------------------------------------------------

2

அவன்: ஏன் கங்குலியோட இன்னொரு பேட்சுமேனும் சேர்ந்து போறாரு, ரன்னரா?

இவன்: கங்குலி அவுட் ஆனதும் இரண்டு நிமிடம் வீணாக கூடாதுன்னு கிரிக்கெட் நிர்வாகம் இப்படி பண்ணுது.

--------------------------------------------------

3.

அவன் : அம்பயர் அவுட்டுனு தூக்குன கையை இறக்காம இருக்காறே ஏன்?

இவன் ; அடுத்து கங்குலி பேட்டிங்காம். எதுக்கு இரண்டு வேலை னு கையை தூக்கி இருக்கிறார்.

--------------------------------------------------

4.

டோனா(ஃபோனில்) : கங்குலி இருக்காறா? நான் அவரோட மனைவி பேசுறேன். அவர்கிட்ட அவசரமா பேசனும்.

மறுமுனையில் : அவர் இப்பதான் பேட்டிங்கிற்கு போறார்.

டோனா : அப்போ சரி! நான் ஒரு நிமிடம் லைன்ல வெயிட் பண்றேன்.

------------------------------------------------------

வியாபாரி படம் பற்றி இயக்குனர் பேட்டி.

2006-10-27T11:38:00.000+05:30

`என்னம்மா கண்ணு', `சார்லி சாப்ளின்', `மகா நடிகன்', `இங்கிலீஷ்காரன்', `கோவை பிரதர்ஸ்' என தொடர்ந்து ஹிட் படங்களைத் தரும் ஷக்தி சிதம்பரத்தின் அடுத்தபடம் `வியாபாரி.' இந்தப் படத்தை இயக்குவதோடு சினிமா பாரடைஸ் என்கிற நிறுவனத்தின் பெயரில் தயாரிக்கவும் செய்கிறார் ஷக்தி சிதம்பரம். படத்தின் ஹீரோ எஸ்.ஜே.சூர்யா. 3 கதாநாயகிகள் - `கேடி' புகழ் தமனா, நமீதா, மாளவிகா.

யாபாரி என்ன கதை?

"பணம் சம்பாதிப்பது என்பதுதான் இன்றைய இளையதலைமுறையினரிடம் லட்சியமாக குறிக்கோளாக இருக்கிறது. அதை நோக்கியே ஓடிக் கொண்டிருக்கிறார்கள், போராடிக் கொண்டிருக்கிறார்கள். வாழ்க்கைக்குப் பணம் அவசியம்தான். ஆனால் பணம்தான் வாழ்க்கை என நினைத்துக்கொண்டு குடும்பத்தை மறந்துவிடுகிறார்கள். உறவுகளோடு உறவாட மறந்துவிடுகிறார்கள். சொந்தம் என்கிற இன்பத்தின் சுகத்தை இழந்து கொண்டிருக்கிறார்கள். அப்படிப்பட்ட இளைஞன் ஒருவனைப் பற்றிய கதை இது.

உலகிலேயே அதிகம் சம்பாதிப்பவர் பில்கேட்ஸ். அவரைவிட ஒரு ரூபாய் அதிகமாக சம்பாதிக்க வேண்டும் என்பதை வாழ்க்கை லட்சியமாகக் கொண்ட துடிப்பு மிக்க இளைஞனாக எஸ்.ஜே.சூர்யா நடிக்கிறார். அந்த லட்சியப் போராட்டத்தில் குடும்பத்தை அவர் எப்படி கோட்டைவிடுகிறார் என்பதை ஒரு மெஸேஜாக சொல்லியிருக்கிறோம்.

எஸ்.ஜே.சூர்யா கேரக்டருக்கு திருச்செந்தூர் சூரியபிரகாஷ் என பேர் வைத்திருக்கிறீர்களே? பொதுவாக நாடார் இன மக்கள், பெரிய பிசினஸ்மேன்களாக இருப்பார்கள். அப்படி யாராவது ஒரு நாடார் இன பிரமுகரை மனதில் வைத்து இந்தப் படத்தை பண்ணுகிறீர்களா?

"அப்படியெல்லாம் இல்லை. சூர்யாவின் சொந்த ஊர் திருநெல்வேலி. அதனால் சென்ட்டிமென்டாக திருச்செந்தூர் என பெயர் வைத்தோம். அதோடு யாரையும் குறிப்பிடுவது மாதிரி இந்தக் கதை என்று சொல்ல முடியாது. 360 தொழில்களில் ஈடுபட்டிருக்கும் ஒரு பிசினஸ்மேன். அவ்வளவுதான்.

அதென்ன 360 தொழில்கள்...?

"காலையில் எழுந்து பல் துலக்கி, காபி குடித்து, சோப்பு போட்டு குளித்து, எண்ணெய் போட்டு சீவி, பவுடர் போட்டு, டிரஸ் போட்டு... என ஒவ்வொரு மனிதனுக்கும் அன்றாடத் தேவை என்னென்ன தேவைப்படுமோ அந்தப் பொருட்களையெல்லாம் தயாரிக்கவேண்டும் என்கிற ஆர்வம் உள்ள பிஸினஸ்மேன். எங்கள் கணக்குப்படி 360 பிசினஸ் வந்தது."

பொதுவாக உங்கள் படங்களில் நையாண்டி இருக்கும். எஸ்.ஜே.சூர்யா படங்களில் கிளுகிளுப்பு இருக்கும். "வியாபாரி" உங்கள் படமா? சூர்யா படமா?

"இரண்டுபேரின் படம்தான். சூர்யாவின் சேட்டையும் இருக்கும். என்னோட சாட்டையும் இருக்கும். பிசினஸ்மேன், பிசினஸ்மேன் என்று சீரியஸாகவும் நான் இந்தக் கதையைச் சொல்லவில்லை. காதல், காமெடி, சென்ட்டிமென்ட், அதோடு சயின்ஸ்பிக்‌ஷன் படங்களுக்கு இணையாக கிராபிக்ஸ் மேட்டரும் இந்தப் படத்தில் உண்டு. நடிப்புத் திறமையை வெளிப்படுத்த காயத்ரி என்ற கல்லூரி மாணவியாக தமனா, விமான பணிப்பெண்ணாக நமீதா, மாடலிங் கேர்ளாக மாளவிகா என நடிக்கிறார்கள். ஒவ்வொரு பிசினஸ்மேனும் வாழ்க்கையில் சந்திக்கிற முக்கிய 3 பெண்களில் இவர்கள் அடங்குவார்கள். இப்படி எல்லாம் கலந்து பிரம்மாதமாக பண்ணிவருகிறோம். அதோடு எஸ்.ஜே.சூர்யாவின் அக்கா புருஷனாக திகில்பாண்டி என்ற கேரக்டரில் வடிவேலு ரகளை பண்ணப்போகிறார்.

"தொழிலதிபர் அம்பானியாக பிரகாஷ்ராஜ் நடிக்கிறாராமே?"

ஆமாம். இந்தப் படத்தில் பிரகாஷ்ராஜ் கேரக்டர் பெயர் ரிலையன்ஸ் அம்பானி. அவர்போல் ஆகவேண்டும் என ஆசைப்படுகிறார் சூர்யா.

''அம்பானி பேரை பயன்படுத்துவதற்கு அனுமதி வாங்கினீர்களா?

"நாங்கள் பாஸிட்டாவாகத்தான் இந்த கேரக்டர் பெயரை பயன்படுத்துகிறோம். அதனால் அனுமதி வாங்கவில்லை.

"எஸ்.ஜே.சூர்யாவும் ஒரு டைரக்டர். அவரை ஹீரோவாக வைத்து பண்ணுவது ப்ளஸ்ஸா, பிரச்சினையா?

"சூர்யாவுக்கும் எனக்கும் 10 வருட நட்பு உண்டு. ஒருவரையொருவர் புரிந்து கொண்டிருக்கிறோம். அதனால் எங்களுக்குள் எந்தப் பிரச்சினையும் இல்லை. சூர்யாவும் நானும் மாஸ் பல்ஸ் தெரிந்தவர்கள். அதனால் நானேதான் பாடல் காட்சிகள் உட்பட பல விஷயங்களில் நீங்களும் கலந்துகொள்ள வேண்டும் என சூர்யாவிடம் சொல்லியிருக்கிறேன். எங்களுக்குள் எந்த ஈகோ பிரச்சினையோ, எதுவுமோ கிடையாது. சூர்யாவோடு ஒர்க் பண்ணுவது சந்தோஷமாகத்தான் இருக்கிறது. எதையும் கற்றுக்கொள்ள வேண்டும் என்ற ஆர்வம், இல்வால்வ்மெண்ட் உள்ள சூர்யாவைப் பார்த்து நானே ஆச்சரியப்பட்டுவிட்டேன். மொத்தத்தில் சொல்லப்போனால் அவரோடு இன்னும் தொடர்ந்து பல படங்கள் பண்ணவேண்டும் என்கிற ஆசை வந்திருக்கிறது.

"இந்தப் படத்தில் அஸின், சினேகா உட்பட பலர் நடிக்க மறுத்ததாக சொல்லப்படுகிறதே?

"யாரும் நடிக்க மறுக்கவில்லை. சிலரோட டேட்ஸ் ஒத்துவரலை. சிலரோட ரேட் ஒத்துவரலை. அதுதான் உண்மை.

"வியாபாரி படத்தின் அழைப்பிதழ் மிக ஆபாசமாக இருந்ததாக விமர்சனங்கள் வந்ததே...?

"அழைப்பிதழ் கிளாமராக இருந்தது உண்மைதான். ஆனால் படம் டீஸண்ட்டாக இருக்கும். பேமிலியோடு பார்ப்பதுபோல் இருக்கும். வெறும் மெஸேஜ் மட்டும் சொன்னால் யார் படம் பார்ப்பார்கள். அதனால் தேவையான அளவுக்கு கிளுகிளுப்பு சேர்த்திருக்கிறோம்.

''எஸ்.ஜே.சூர்யா என்றாலே அவருக்கு ஒரு மாதிரியான இமேஜ் இருக்கிறது. நீங்களோ இது குடும்பத்தோடு பார்க்கக்கூடிய மெஸேஜ் உள்ள படம் என்கிறீர்கள்? இந்தப் படம் சூர்யாவின் இமேஜை மாற்றுமா?

"அவரோட ரசிகர்களை திருப்திப்படுத்தும். அதோடு அவரின் இமேஜையும் இந்தப் படம் மாற்றும்." என உறுதியாகச் சொன்னார் ஷக்தி சிதம்பரம்.

நன்றி http://content.msn.co.in/Tamil/Entertainment/Interviews/0610-26-2.htm#top

------ஜோக்ஸ்------

2006-10-27T11:07:00.000+05:30

"நான் எது சொன்னாலும் என் மனைவி கேட்பாள்"

"அப்படியா"

"இப்போப் பாருங்க... தீபாவளிக்கு எதுக்கு வீண் செலவு? உனக்கு மட்டும் துணி எடுத்துக்கோன்னேன். சரின்னுட்டா!"
--------------------------------------------------------------------------------------------------------------------------------

ஜோசியர் மகள்: அப்பா என் ஜாதகப்படி குரு ஏழாம் வீட்டுக்கு வந்தா எனக்குத் திருமணம் ஆகும்னு சொன்னீங்களே?

ஜோசியர்: ஆமாம்மா, கண்டிப்பா ஆயிடும்!ஜோசியர்

மகள்: என் காதலர் குரு நம்ம தெருவில ஏழாம் நம்பர் வீட்டுக்குள் குடி வந்துட்டாருப்பா!
--------------------------------------------------------------------------------------------------------------------------------

நோயாளி: தினமும் நீங்க கொடுக்கும் மருந்து தித்திப்பா இருக்கும், இன்று கொடுக்கும் மருந்து கசப்பாக இருக்கிறதே!

டாக்டர்: இது மருந்து இல்லேப்பா, எங்க வீட்டிலே தமிழ் புத்தாண்டுக்காக செய்த பச்சடி!
----------------------------------------------------------------------------------------------------------------------------------

மனைவி: புத்தாண்டுக்கு வர்ற மாப்பிள்ளைக்கு புது துணி வாங்கித் தரணும் என்ன செய்யலாம்?

கணவன்: பேசாமல் பண்டிகையை அங்கேயே கொண்டாடிட சொல்லி லெட்டர் போட்டுடுவோம்!
----------------------------------------------------------------------------------------------------------------------------------

கணவன்: "இப்படி நாம அடிக்கடி சண்டை போட்டுக் கொண்டு இருப்பதை அக்கம் பக்கத்திலே இருப்பவங்க பார்த்தா சிரிப்பாங்க.. தெரியுமா?"

மனைவி: "அப்போ நாம போடற சண்டை அவ்வளவு தமாஷாக இருக்கு!"
------------------------------------------------------------------------------------------------------------------------------------

திருடன்: ஏ கிழவா! மரியாதையா வாட்சைக் கழட்டு. இல்லேன்னா பல்லைக் கழட்டிடுவேன்.

கிழவன்: உனக்கு அந்த அவசியமே இல்லை... இந்தா பல் செட்டு.

திருடன்: ...?...?...?...?
------------------------------------------------------------------------------------------------------------------------------------
"டைம் இஸ் கோல்டுன்னு சொன்னா, நீ ஏன் ஒத்துக்க மாட்டேங்குற?"

"அதை அடமானம் வைக்க முடியாதே!"

------------------------------------------------------------------------------------------------------------------------------------
"உன் பல்லழகைப் பார்த்துக்கிட்டே இருக்கலாம் போல இருக்குன்னு என காதலிகிட்டே வர்ணிச்சது தப்பாப் போச்சு!"

"ஏன்?"

"பார்த்துக்கிட்டே இருங்கன்னு சொல்லி பல் செட்டைக் கழட்டி என் கையிலே குடுத்துட்டுப் போயிட்டா!"

------------------------------------------------------------------------------------------------------------------------------------
"தினமும் என் புருஷன் குடிச்சுட்டு வர்றாரு!"

ஏன் விட்டு வைக்கிறே. கேட்க வேண்டியது தானே?"

"சீ.... குடிக்கிற பழக்கமெல்லாம் எனக்குக் கிடையாது!"

------------------------------------------------------------------------------------------------------------------------------------
வார்டன்: என்னப்பா மணி பன்னிரெண்டாகுது தூங்கலையா?

கைதி: வசதி இருக்குதுன்னு இப்ப தூங்கிட்டா, பின்னால தொழில் பாதிக்குமே சார்!

-----------------------------------------------------------------------------------------------------------------------------------
"புடவையை அடிச்சுத் துவைக்காதீங்கன்னு என் கணவர்கிட்ட சொன்னேன். அவர் கேட்கல"

"அப்புறம்?"

"அவரையே அடிச்சுச் சொன்னேன். இப்பதான் கேட்கிறார்"

-----------------------------------------------------------------------------------------------------------------------------------

glass materials ------------4

2006-10-12T15:34:00.000+05:30

glass materials ------------4

glass materials ------------3

2006-10-12T14:59:00.000+05:30

glass materials ------------2

2006-10-12T14:54:00.000+05:30

glass materials

2006-10-12T13:13:00.000+05:30

பெப்சி தயாரிக்கும் முறை

2006-10-11T17:15:00.000+05:30

பெப்சி தயாரிக்கும் முறை

விசித்திரமான படங்கள்.

2006-10-11T14:09:00.000+05:30

விசித்திரமான படங்கள்.

நான் எடுத்த போட்டோ

2006-10-11T14:00:00.000+05:30

நம்புங்க! இது நான் எடுத்த போட்டோ தாங்க. கொஞ்சம் மேலே குதிச்சு எடுத்தேன்.

ஏற்றுக்கொள்ளுங்கள்

2006-10-10T16:19:00.000+05:30

இதை எனது மூன்றாவது பதிவாக ஏற்றுக்கொள்ளுங்கள்! அப்பொழுதுதான் நான் தமிழ்மணத்துக்குள் நுழைய முடியும்.

எப்படி இருந்த நான், இப்படி ஆகிவிட்டேன்.

2006-10-10T16:09:00.000+05:30

ஐயோ!

என்னை தமிழ்மணத்துக்கு அடையாளம் தெரியவில்லையே! நான் தமிழ்மணம் முகப்பில் சென்று எனது சுட்டியை பதித்தால், புதிய வலைகள் வரிசைபடுத்த குறைந்தது மூன்று படிப்புகள் வேண்டும் என்கிறதே.

எப்படி இருந்த நான், இப்படி ஆகிவிட்டேன்.

வணக்கம்! வண்க்கம்! வண்க்கோம்!

2006-10-10T15:19:00.000+05:30

வணக்கம்!

உடன் பிறந்தவர்களே!
உடன் பிறக்க நினைத்தவர்களெ!
பிறக்க முடியாமல் போனாலும் சகோதரனாக நினைக்கும் பெரிய இதயம் கொண்ட அன்பானவர்களே!

அனைவருக்கும் அன்பு தம்பியின் வணக்கம்.

நான் ஓன்றும் வலைபதிவுக்கு புதிது இல்லை என்றாலும், ப்ளாக்கரிலிருந்து ப்ளாக்கர் பீட்டாவிற்கு மாறி அதன் வசதி போதாமல் அந்த வலைப்பூவையே மூடிவிட்டு, இதுவரை நான் இட்ட பதிவு முட்டைகளை தொலைத்து விட்டு, மீண்டும் ஒரு புது வலை யை தொடங்கி நல்ல வேலையாக அதற்கு மீண்டும் எனது பெயரையே வைத்து இப்போது கீழே விழுந்தாலும் மீசையில் மண் ஒட்டாமல் (மீசை என்று இப்பொழுது இல்லை) இருந்ததுபோல் நெஞ்சை நிமிர்த்தி இப்பொழுது எழுத ( தயவு செய்து ஏற்றுக்கொள்ளுங்கள்) ஆரம்பித்துள்ளேன்.

பிடித்திருந்தால் வாய்விட்டு ( கீ-போர்டில் கை வைத்துதான்) பாராட்டுங்கள். குறை ஏதேனும் இருந்தால் சொல்லிவிடுங்கள். திருத்தி கொள்வேன்.

அதை விட்டு வெளியில் போய் என்னை பற்றி சொல்லி விடாதீர்கள். எனக்கு வாக்குதான் முக்கியம் . அவமானத்தில் ஏதாவது செய்து கொள்வேன். பின் அந்த பாவம் உங்களை சும்மா விடாது.

வரட்டா?